▬ أنت تسأل ونحن نجيب في◄ المـحـاسـبـة ►

[conviction]

المشاركة الأصلية كتبت بواسطة razika789

اي توقفة عن الدراسة في السنة الثالث متوسط نظام القديم وبع مرور 4 سنوات عدت لدراسة بالمراسلة وتحصلة علي شهادة المتوسط ثم الاول ثانوي والثاني وانا حليا مقبل علي شهدة البكلوريا اخي ارجو منك انتكون مساعدنا لي فيالتسير والمحاسب المالية الاني ارغب في النجح واكره الفشل وان وافقة ضع لي رابط نتواصل عبره انت او كل من يستطيع مساعدتي وووووووووووووووووووووووشكرا

والله يا أختي كون جات بيدي،، راني فهمتك المحاسبة من البداية للخر ،، ولكن ماراهيش في وسعي ،، نظرا للبعد ،، وصعوبة التواصل ،، لأن الحقيقة تقال ،، باش الإنسان يقدر يفهّم شخص آخر المحاسبة ،، أفضل طرق التواصل الحالية ما تكفيش باش تفوت المعلومة ،، لأنها مادة تتطلب جداول وحسابات دقيقة لازم الإنسان يستوعبها جيد كي يستطيع بعد ذلك حل التمارين ،،،

المهم ، واش نقدر ندير ،، نعطيك بعض النصائح ،، حاولي تمشي عليهم ،، وبإذن الله ستتفوقين في الباك

شوفي ،، مازالك شهرين ،، المحاسبة ، دعكي من المحاسبة العامة ،، يعني 4 وحدات الأولى أخطيك منهم ،، الوحدة الخامسة ، الميزانية المالية محذوف من البرنامج ،، الوحدة 6 و 7 إعداد الميزانية الوظيفية وتحليل الميزانية الوظيفية ،، خليهم للآخير ،، إذا كفاك الوقت أدرسيهم ،، إذا لا لا ، أخطيك منهم ،، ما يهموش كثير ،، الآن الوحدة 8 تحليل حسابات النتائج ،، وحدة سهلة جدا ،، ( في دروس المراسلة كاتبين بلي تقدري تدرسيها في 4 ساعات خاطر سهلة جدا ) بعدها لازمك تركزي على الوحدات 9 و 10 ،، هاذو مهمين ( راهم في متناول الجميع ) ،، تحليل الإستغلال الوظيفي والتفاضلي ،،، ركزي عليهم وحلي تمارين قد ما تقدري ،، والله 8 نقاط تاعهم في الباك غير ديما يجيو ڨاطو ،،،
بعدها تجي الوحدات 11 و 12 و 13 ،،، التكاليف الكلية ، حساب التكاليف و النتيجة التحليلية ، تتمة حساب تكاليف الإنتاج ،،،، هاذ الوحدات الثلاث (المحاسبة التحليلية ) تفوتي تفهمي الدرس ،، تبداي تحلي تمارين وهي والله العظيم غير 8 نقاط تاعهم أيضا ماش غير ڨاطو ،،؛ صدقيني لو تحلي تمارين في هاذ الوحدات ،، تحلي بزاف تمارين ؛ 16 في المحاسبة ما ينحيهالكش الطبيب ،، تبقى 4 نقاط هاذوك ،، حسب الموضوع لي تختاريه ،، ممكن يكونو في المحاسبة العامة أو في إداد وتحليل الميزانية الوظيفية ،، الوحدات لي قلتلك أخطيك منهم ،، لذلك إذا كفاك الوقت ،، أدرسي شويا الوحدة 6 و 7
وأنصحكي بالدراسة بـ دروس المراسلة ،، لأنها سهلة ومبسطة للتلميذ لي يكون ضعيف في هذه المادة ،،، شئ آخر ،، إشتري كتاب الممتاز في المحاسبة ،، راه فيه دروس خفيفة ومعها تمارين فيهم الساهل والصعيب ... أخطيك من كتاب المعاصر أو صعاب التمارين لي فيه .... زيدي إذا قدرتي تلقاي شكون يفهم مبدأ المحاسبة ،، ومن بعد تحلي تمارين بمفردك ،، وإلا ديري ليكور عند كاش شيخ ،، راهم خلصو البرنامج وبداو يعاود من جديد ،، مراجعة ،، هكذا إنتي تبداي معهم

ـ الإقتصاد ،، إذا ما عندكش كراس ،، لا أنصحك بالحفظ من دروس المراسلة ،،، لأن دروسهم طوال بزاف ،،، ننصحك أن تشتري الكتاب المدرسي لهذه المادة وأحفظي منو ،،، العديد من التلاميذ يحفظو منه (حاولي تحفظي حتى للوحدة 9 ،، نظن هكذا ستكون العتبة)

ـ القانون كيف (من الكتاب المدرسي )،، ولكن إذا ما عندكش الوقت ،، حاولي تفهمي الدروس وتحفظي من ملخصات الموجودة في المنتدى

ـ إجتماعيات ،، أحفظي التواريخ والمفاهيم والمصلحات ،،وأنتي ضمنتي فيها المعدل ،،، زيدي درس الحرب الباردة أو الجزائر

ـ الرياضيات ،، لا أعرف مستواكي فيها ،، المهم ،، ركزي على الإحصاء والدوال ،، العام للي فاتت الدوال جاء عليه 11 نقطة والإحصاء ديما عليه 5 نقاط ،، يعني بإمكانك تجيبي المعدل فيها بسهولة

المهم ،، ما زالك شهرين ،، صدقيني لو تدرسي وتجتهدي مليح ،، ممكن تجيي معدل جيد

نتمنالك كل التوفيق أختي الكريمة ،، ربي معاك