إلى كل نساء المنتدى الفحلات ....اكلات تقليدية

[zahra30]

مساء الخير اخت نديم ان شاء الله تكوني بخير......
اليوم جبتلكم اكلة تقليدية وهي الطعام بالحليب ....مشهورين به بزاف جهتنا او عرشنا ( في ولاية باتنة ) لانو لذيذ وغني وما كانش اللي ما يبغيهش وخاصة اللي مجربينو .... بلا ما نطول عليكم تفضلوا


الطعام طريقتو باينة ( احنا نضيفولو الدهان )
المرقة انتاعو فيها / البطاطا والقرعة ( الخضر اللي تحبيها )
الطماطم حبة ( حسب الحجم لانو ما نكثروش منها )
الكليلة والفول اليابس والقديد والفلفل الاخضر الحار وتخليه في الاخير باش يطلق البنة انتاعو و الملح والماء ( كمية الماء قليلة قد ما طيب الخضرة وتفوري الطعام انتاعك )
كلشي طايب وكمية المرق قليلة غلي الحليب تقريبا 1 ل ( انتاع البقرة ولا اللحظة واش عندك ) وضفيه للمرقة ثم الفلفل
وبصحتكم
ان شاء الله يعجبكم وتجربوه