سلام هدا تطبيقي تاع ليمات اللي فاتو
السبت خرجت الماتلا للحوش تتشمس و نحيت لي كاش ريدو نفضتهم و من بعد مسحت الغبرة من السرير و بدلتلو بلاستو ومن بعد سيقت و كي نشفت الدار رجعت الماتلا و درت دراوات و كوفرولي جديد و رجعت لي كاش ريدو و التابيات غسلتهم نهار الخميس ومن بعد رحت للشنابر لخرين نقيتهم و بعد الظهر رحت لاختي
البارح فرغت الخزانة و مسحتها من الداخل و درت الريحة و طبقت القش و رديتو لبلاصتو و منبعدها درت للتسريحة فرغتها ومسحتها مليح ودرت لناب و رتبت الحوايج فيها و لي تابل دونوي نفس الشيء ومن بعدها حطيت لغدا تغدينا و غسلت المواعين و قيلت ولعشوة حطيت القهوة مع المشوشة و و المغرب درت لعش و حصلت فالفوضى تاع الشوى هاد ليامات لراجلي داخل على الشوا يموت عليه و تعشينا و غسلت المواعين و سيقت الكوزينة و دوشت من هديك الريحة و صليت و قريت الادكار وحكمت بلاست نتفرج....................حتان داني النوم