لاستفسارات الاخوات المشتركات بدورة تروسو سموكس

[-رودينا-]

المشاركة الأصلية كتبت بواسطة fifiarch

اهلا بيك اختي
اولا الادوات المطلوبة منكم جيبوها كيما قلتلكم
رانا نحتاجوها كااااامل
علاه ماتبعونيش
انا كي حطيت هاذوك الموديلات كانت للتنويع برك
و كامل خدمتهم راها كيف كيف
القماش لازمنا 8 امتار
وهذه لا نقاش فيها
وماتقولوليش انت استعملت 6 او غيرها
الباقي راح نحتاجوه في بلاصة اخرى فهمتو
بالنسبة للكوفرولي الاول الي كلو سموكس اكيد نلصق القطعتين مع بعض من الاول و نخدمو خدمة السموكس
بالنسبة للثاني والثالث لا
خدمة السموكس نخدموها في قطعتين منفصلتين و مبعد نلصقوهم مع قطعة ساتان سامبل في الوسط
شوفي معايا مليح
القطعتين كي نخدموهم بالسموكس راح يتقلص حجمهم و مبعد اكيد راح تكون قطعة الساتان لي بيناتهم بنفس حجمهم
بالنسبة لقيس الخياطة
اكيد راني عاملاتو في لحساب
بالنسبة لانجاز العمل اكيد انا ننجز اولا و نحطلكم الخطوات المصورة بالتدقيق
و هذا الموضوع راهو ابتدائي فقط نتبادلو فيه الاراء
انتم الان ماعليكم الا تسالو على الادوات اللازمة للعمل
لانكم لازم تشروها
و تسالو على شكل الكوفرولي الي راح تخدموه
بالنسبة للخياطة وتلصاق هاذي في هاذي
ماراااااااااااالت بعيدة عليكم ماتستبقوش الاحداث

انا الان نحب كل وحدة تخير شكل الكوفرولي الي حابة تعملو واي اخت عندها شكل اخر في راسها تحاول ترسمو وتحطهولي هنا باه نقلها اذا كنت نقدر نشرحهولها اما لا
اتمنى تكوني فهمتيني

حبيبتي و يا قمر المنتدي انا معاك من الاول وكنت فاهمتك مليح والى حد الان بصح كاين رد ديال احد الاخوات قتلك نشري 3+3+2 انا شفت هادي المعادلة راسي حبس ،رايحة نتبعك خطوة بخطوة نشري قماش 8 امتار ونخليه حتى تشرحي الطريقة
وبصراحة اعجبني المودال الاول و يبقى راي الخاص
ربي يحفظك و يشتت ضرك ويبعد عنك اعدوك اميــــــــــــــــــــــــــــــــن