حابا الرجال يفهمونى في موقف مهم

[النجمة القطبية]

المشاركة الأصلية كتبت بواسطة عاشقة الوفاء

السلام عليكم
انا كتبت موضوع عن الخيانة صبت الاجوبة مبعثرة
على هديك حبيت نقص قصتى ونحب الرجال يجاوبونى بصراحة عييت نفهم بصح مفهمتش علاش بصح حسمت الامر وقررت انو واحد فيكم يجاوبنى




عندى مدة عام ونصف مخطوبة والانسان لخطبنى يعنى مكاش حتى علاقة معاه يعنى زواج بالصدفة وثانية انو صديق اخى
المهم كتب ربي وخطبنى وبديت نحكى معاه في التلفون كانت الامور غير موضحة يعنى كنا في بداية التعارف ادي ومد
بعد فترة بديت نراقب في تصرفات غريبة يعنى كنت كيما نصيبو يحكى بالساعات فالنهار مندي مانجيب نجينى الامر عادي بعدها طورت الامور عدت نصيبو على 00.00 و01.00 تاع اليلل يحكى منقول والو كانو شيء لم يكن يقولى كنت مع صاحبي نفوتها عادي بعدها عرفت بلى عندو وحدة وتأكدت عدت نتصرف باحكام منحاسبوش ابد بالعكس ستعملت سياسة اخرى انى نبعدو عليها بلما يحس يعنى نجدبو ليا صدقونى مكنتش نحسو بلى رانى حاسة عندو غيرى بالعكس كنت نلعبها نيه بغرض انى مندخلش المشاكل في علاقتنا تميت بهدي العقلية لمدة 6 اشهر تخيلو انو انسانة تعرف بخيانة زوجها ليها وتسكت غرضى كان نحافظ على زوجى والمهم امو مع المدة يندم ويصفى لي توسخ
المهم بعد مدة من العداب بينى وبين نفسي في يوم من الايام دخلنى رقم غريب ترددت انى منهزش بعدها صدقونى كانى حسيت انو الوقت لحكاية وصل ودعواتى لربى ستجابو هزيت سمعت صوت بنت حكيت معاها شكون شكون حكاتلى قصتها انا باش منزيدش الطين بلة عيطتلو بالهداوة قتلو راها وحدة عيطتلى تسقسي عليك كنت حابا يصارحنى بصح ظهر العكس تعمد يغم كلش قالى نحى لابيس درت روحى معلباليش محبيتش نقولو راها حكاتلى كلش سكت
بعدها نضغطت بزاف عيطتلو قتلو انا انسانة هدى حكاتلى كلش وطا طا طا
المهم هدي كان يعرفها قبلى يعنى قبل مايخطبنى كان معاها بعدها وهو معاها خطبنى هي كان علبالها بلى خطب واصلت معاه كان دايرها لزهو كيما قال هو بصح فهمونى كيفاش صرا هاك وعلاش مع العلم صدقونى لو تشوفوها ماتشبه لوالو انا نعرف واحد كى يحب يزها ودخل فالحرام وعماو عينيه على الاقل يتبع الزين وحدا يخرجها معاه في اماكن فسق على الاقل يمشي معاه وحدا لاطاي ولا زين بصح هدى والو وااااااالو مفهمتش زعما كان شيء يربطو بيها يعنى حب والحب خلاه اعمى ولا انسانة
وتخيلو معايا وش قالى قالى خلينى نحكى معاها مين داك بغرض انو ينتقم منها ههههههههه تخيلو كاين وحدا تقبل بهدا الشيء بصح انا سكت خليتو على هواه خليتو كمل يحكى معاها
درك احكمو و
فسرولى .اشرحولى.علاش خانى علاش خانى ومع هداك الكل مزالنى معاه ونحافظ عليه عفست على كرامتى وعزة نفسي غير باش نوفر الهدوء العائلى
هو فالاخير حبس معاه وداخلت يماه وقفت هدي المسخرة بصح انا راه شك يقتلنى رانى نتعدب دخلانى معدتش نثيق فيه بصح منقدرش نبينلو بلى رانى شاكة فيه ومنثيقش فيه مزالنى نضحى مع انى مانيش مضطرة نضحى عندى فرص في حياتى بصح انا تاقلمت مع عايلتو حبيتهم

لا حول ولا قوة الا بالله
يا اختى واش نقولك
انا اللى زاد حيرنى اكثر تحليلك للموضوع ومعليش استحملينى رانى اختك
يعنى انتى ركزتى على الطفلة شابة ولا مزعوقة وعلاش شاف فيها وهى متشبه لوالو يا اختى مش مهم شابة ولا مزعوقة
لكن المشكل اصلا مراهوش هناك الطفلة مليحة او لا هادى مشكلة اخرى
الحقيقة المهم هو اخلاق خطيبك هاد الانسان اللى رايحة تربطى اسمك بيه ويكون فى يوم من الايام اب لاولادك
الشخص اللى رايحة تامنيه على نفسك وعرضك وكل شئ فى حياتك
هاد الانسان اللى رايحة تكملى حياتك معاه
هل يستحق تربطى نفسك بيه
هل رايح يحافظ عليك وعلى شرفك ويحافظ على اولادك وسمعتك وهو خان نفسو وخان مش راح نقول طفلة بصح راح نقول اهل الطفلة
المشكل هاد الانسان غلط
ولما واجهتيه لو كان اعترف بالخطا او حس بالاك معليش على الاقل لو تاب كل الناس تغلط
المشكل انه حس بلى الامر طبيعى وزاد قالك خلينى نكمل ننتقم منها وطلب منك توافقى على هذا
والله معلاباليش واش نقولك بصح هذا الشخص عنده منطق معين
واش نقولك انا نتمنى ربى يصلحلك الحال والاحوال ويصلحنا جميعا
بصح اذا قررتى تكملى معاه لازم تعاونيه شوية باه يستقيم باش ربى يباركلكم
اتمنى لكى التوفيق