جلسة للمصارحة ... ماهي سلبياتك؟؟

محمد جديدي التبسي · 2011-12-13, 21:23

اقتباس:

المشاركة الأصلية كتبت بواسطة أتعــبــني غــروري

ههههههههه كلي صفات سلبية
1-قلبي ابيض ونسامح الي غلط معيا وهاذي حابة نغيرها

2-متــــــــــنــــــــــــاقضهــ

3-غيـــــــــــــــورة لدرجة لا تتوقع

4-كي نزعف مانقدرش نهدر

يتبع

بارك الله فيك اختي الكريمة
شكرا جزيلا لمشاركتك
القلب الأبيض راهو قليل في وقتنا وتقريبا ما بقاش
أنت قلبك أبيض وتسامحي اللي يغلط معك حاجة مليحة بالصح اذا كان الشخص يستاهل تسامحيه أما اللي ما يستاهلش لازملو العين الحمرة والغلطة بحقها
التناقض في وقتنا رانا كامل واقعين فيه نقولو حاجة وبعد مدة نبدلوها وهاذي مشكلة كبيرة لازم الواحد تكون عندو كلمة واذا خرجت ما ترجعش الا اذا كانت حرام والا حاجة راح تضر غيرو
في هاذي الحالة الرجوع الى الحق فضيلة
الغيرة مش مليحة خاصة بعد الزواج ديرلك مشاكل كثيرة
ربي يبعدها عليك وحاول تنقصي منها وتشوفي الأسباب التي تجعلك تغارين وحاولي تعالجيهم

كي تزعفي ما تقدريش تهدري ممكن حاجة مليحة ممكن كون جيتي تهدري ديري مشاكل أكبر وما تقدريش تتحكمي في روحك
أما اذا تسكتي على حقك بسبب انو زعفك واحد من الناس ويعرفك ما تهدريش كون يزعفك لازم ما تعطيلوش هاذي الفرصة ووسعي بالك معاه وادي حقك بالسيف
بارك الله فيك أختي ونتمنى نكون ساعدتك
راني خلطتها دارجة وعربية وان شاء الله تفهميها
شكرا جزيلا لك