بلاك وحدة فيهم تضحكك

[انا الذي]

قالك امام غلط وزطل ايا راح ودار خطبة الجمعة، بعد الصلاة جاوه المصلين لدارو قالولو،
قلت غزوة بدر بالطيارات قلنا ماعليش ،قلت صلاح الدين فتح القدس بالكيماوي فوتناها ، بصح أمية
بن خلف باع بلال بعشرين مليون لبرشلونة .. هادي هنا فسدتها شيخنا


مزطول قاعد يصلي سمع زوج يمدحو في صلاة تاعو
ايا قطع صلاة وقالهم ياو ما شفتو والو هدا قع ومانيش متوضي


واحد مؤذن طردوه من الاوقاف ... علاش . كل ما يكمل لاذان يقول مع تحيات خالد رمضاني


كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة
ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم

مرة واحد كان قدام البحر هو و حبيبته ..ايا قاتلو"فاش يفكرك غروب الشمس " قالها "برجوع قرانديزر الى القاعدة

تلاقاو زوج صحاب يكدبو على بعض
ايا قال لول راك تشوف النملة لي في راس الجبل ؟؟
قالو صاحبو انهي فيهم لي تغمض في عينيها ولا لي فاتحتهم ؟