السلام عليكم ورحمة الله وبركاته اولا عندي عتب عليكم البارح حطيت مشكلتي ومهتميتوش تحطوها مع انها لااظنها تافهة لهده الدرجة نزيد نحطها وادا قررت تحدفها اكتبولي رد بالحدف
انا مخطوبة مند عامين كيما كل البنات جا خطبني واهلي حطوا شروطهم من مهر ودهب وجهاز وهو واهلو وافقو بالعكس هو اصر مايبدل والو وكونا متفاهمين عالكرا باه نسكنو مشكلتو الوحيدة كانت الخدمة وطلبت منو مايتكلمش قدام والدي ونحلوها مع بعض ومع ان خدمتي محترمة جدا والف لي يتمناها الا ان قبلت بشروط اي واحد متعلم مايقبلهاش بالصح مازال يجبدلي الخدمة في كل مشكلة توقع بيناتنا وصبرت درك بعد ما عامين عداو وحدد موعد العرس مع والدي جاتو في راسو باللي شروطنا مستحيلة ومايقدرش يديرلي دار ويجيبلي دهب ويدير عرس مع العلم هو قالي بلي ناوي يتقدم لشراء مسكن انا قلت نقص عليه شرطي تاع الدهب وعاالسكن قالي مع اهلو قتلو انا نكري وهكدا ومازال يتحجج هل انا حطيت روحي في موضع الرخيصة لي طيش في روحها وهو طمع واستخسر فيا ابسط حقوقي كي حبيت نعاونو ونعمر عروحي
انصحوني واعولي ربي يفرج عليا كربي ويهنيني