فلان الكرام كرامال على طريقتي

[*سماح 94*]

.............السلام عليكم ورحمة الله وبركاته اخواتي.........
الوصفة سهلة بسيطة واكيد لديدة لقيتها في كتاب طبخ فرنسي درناها عدة مرات مع عدة تغييرات لانو الوصفة الاصلية فيها حوايج ما عندناش هنا وخرجت بالوصفة النهائية وهي رائعة وناجحة اكيد
المقادير
...نص لتر حليب ...8 م ك سكر.......رشة ملح......4 بيض....فاني ...
وللكرامال 120 غ سكر
والطرقة هي
نحط السكر تاع الكلاامال يتحرق على نا خفيفة جداااااااااا
وفي نفس الوقت نحط فوق النار الحليب والسكر ورشة الملح والفاني
كي تكون الكرامال وجدت نصبها في اواني الفلان لي تدخل الفرن ونخليها تبرد والطاوة لي درنا فيها الكرامال تكون مازال فيها الكرامال في الالجوانب والقعر نصبو فيها الحليب السخون ونخليوها على النار حتى تدوب الكراما ل في الحليب وهكدا يتنكه الحليب بنكهة الكرامال مليح ويجي الطعم احسن
ثم نخفق البيض جيدا ونصب عليه خليط الحليب الساخن تدريجيا ونحرك مليح نكبو المزيج في اواني الفلان لي فيها الكرامال ونحطوها في بلاطو مملوء للنصف بالماء الساخن....باماري..... ونلوحوها في الفور حوالي 40 د يعني كل وحدة تعرف فورها كيفاه
باش نعرفو بلي راه وجد نغرسو فيه موس ولا خرج نظيف يعني راهو واجد ....الطرقة التقليدية
نخليوه يبرد ونفلبوه قبل التقديم
..........الف صحة وعافية ...نتمنى يعجبكم وتجربوه.....