مربى المشمش الحب

[amouna-17]

السلام عليكم و رحمة الله وبركاته

يسعد أوقاتكم أخواتي الغاليات

حبيت شارك معكم بمربى المشمش الحب وخاصة أنو الآن موسم المشمش

المكونااات
2كوب سكر
2كوب ماء
رشة ملح الليمون
20 حبة مشمش سوري مغسول جيدا ومصفى ((الحمدلله الفواكه والخضرة السورية صارت موجودة هون وبكترة ))

التحضــير
نضع السكر على الماء مع رشة ملح الليمون على النار مع التحريك الخفيف حتى يمتزج السكر بالماء
ومع بداية الغليان ,نضع المشمش ولما يغلو أول غلوة نطفي النار ونضعهم في صينية مسطحة إذاالكمية كبيرة
أما بحالتي فكانو مو مستاهلين ههههه
ونضعهم تحت الشمس لمدة كم يوم لحتى يصيرمزيج السكر والمي تقيل شوي مو كتير
يعني متل القطر العادي والمشمش يدبل أكيد لأنو لازم يستوي تحت أشعة لشمس
مع التقليب كل يوم الصبح بكير أو قبل المغرب
وهي الصور

أكيد لازم نغطيها بشاش أو منخل ناعم حتى ما يوقع فيها شي

هون ما مشي الحال عالبرندة قالتلي الوالدة لازم الشمس تكون عليهن أطول وقت ممكن لهيك نقلتهن عالسطح وأخدو وقت تقريبا 5 ايام
تفضلو مونة السنة

عالفطور أو العشا كتيرر طيب

وصحتين وهنا
لا تنسوني من دعواتكم الغالية
و ربي يهدي البال ويفرجها عالجميع
.

ملاحظة ...لاترمو بذور المشمش بعد ما تتناولو المربى لأن القطر بيبقى داخل للبذرة وطعمها رااائع جداً