طجين فرماج و دجاج مغلف بناااااااااااااااااان

[janna]

جيتكم اليوم بطبقين بالدجاج نتمنى نشاله يعجبوكم.
الطبق الأول:
طجين الفرماج:
طريقة التحضير:
قلي صدر و فخاض دجاجة مع البصل،الثوم،الملح،فلفل أسود و زيت أو سمن أمرقيه و خليه يطيب و صفي اللحم بعد ما يطيب فتتي الصدر زيديلو 2 صفار بيض و فرماج رابي حسب الرغبة لمي كلش مع بعض و كوريه كيما الكفتة و أقليه في الزيت ثم لوحيه في المرق و حمري الدجاج اللي بقى و زيني بيه الصحن مع المعدنوس.
ملاحظة:
المرقة تجي خاثرة (عاقدة شوي)
الطبق الثاني:
الدجاج المغلف:
طريقة التحضير:
قطعي دجاج ديري معاه بصل،ملح،فلفل أسود،سمن أو زيت قليهم مع بعض و أمرقيهم بماء فيه زعفران إذا كان موجود و خليه يطيب.
قطعي رطل بطاطا مكعبات أقليها في الزيت ،فتي شوي من اللحم اللي طاب و خلطي معاه البطاطا ،2 مغارف خبز يابس مرحي،معدنوس،4 بيضات،ملح،شوي من المرق و ممبعد حطي الدجاج اللي بقى في سينية مدهونة بالزبدة بعد ما تكوني نحيتيلو العظام.
صبي فوقو الخليط نتاع البطاطا و أدخليها في الفور تكمل الطياب حتى يجمد البيض قدميها مع المرق اللي بقى و المعدنوس.
و شهية طيبة.