خبزة اللحم في الفور.

[janna]

مرحبا بكن أخواتي نقدملكم هذه المرة خبزة اللحم .
تحضيرا لعجينة:
3 كيلات فرينة+كيلا غير ربع زيت+ 2/1 خميرة كيميائية+ملح. لمي العجينة و خليها ترتاح.
للحشو:
صدر صغير أو نصف من لحم الدجاج مرحي +200غ لحم مرحي مقليين في الزيت+ ملح+فلفل أسود+ بصل. ضيفي زيتون مقطع+3 بيضات+كاس حليب. خلطي كلش مع بعض ثم أقسمي العجينة على2.
الجزء الأول من العجينة : قرصيه وحطيه في صينية الفور مدهونة بالزبدة طلعي العجينة على حواف الصينية ثم ضعي فيها الخليط.
الجزء الثاني من العجينة : قرصيه وحطيه فوق الخليط لمي الحواف أنتاع العجينة مليح باش ما تتحلش ثم أدهنيها بصفار بيضة و أثقبيها و أدخليها الفور الطيب حتى يصير لونها ذهبي.

شهيتكم طيبة.