اللي عندها أسئلة في الكروشيه تتفضل

[samsoon city16]

السلام عليكم بنات ركن الكروشي
الاخت archoui الله يخليك ساعديني ربي يوفقك
انا مبتدئة في الكروشي و كنت نعرف شوييييييييييييييية
نرفد بالعين برك من عند الوالدة
و اليوم راني مصممة باش نتعلم
téléchargit خير ربي مجلات كروشي
و imprimithom
الباترونات كذلك ، الغرزات عندي كلش من الانترنيت حتى الفيديو
الله يبارك فدتوني
المفيد رحت البارح زعمة شريت ابرة كروشي و خيط الغزل
ما عرفتش واش نختار الحاصول صبت وحدة التماك في la mercerie
و خيرتلي ابرة رقيييييقة و خيط رقيق قاتلي puisque انت مبتدئة استعملي هادو
المهم بلا ما نطول عليك
الابرة مقاسها 0.5
و الخيط مانيش عارفة أبيض و مكتوب في التيكي
40/3
24
و كي جيت للبيت بديت ..........
وااااااااااااااااااااااااااااااااااااااااااااااااا ااااااااااااااااااي
عينيا عوارو بزاف رقيق الخيط و alors la
الغرزات عياوني ما يبانوش
تعيشي ديريلنا انواع الخيوط كامل و الابر لي يتمشاو معاهم و لواش يليقو يعني للمفارش ، لي نابرو......
مضطرة نرجّع واش شريت للمحل و نجيب واحدوخرين
تعيشي ختي ديرلي رد باش غدوة ان شاء الله نبدلهم
ما ننساش خيرك ما حييت

ايه نسيت حاجة تسميات الغرزات ياك كيفكيف هنا ولا في المشرق كيفكيف
تعلمت
غرزة الحشو، العمود ، نصف العمود ، ع الثلاثية، ع الرباعية ، ع الخماسية،
ممممممممممم...
المنتفخة، البيكو.....

و الخيوط ربي يجيب قريت مي ما نيش عارفة
حابة تسميات تاعهم باللهجة تاعنا و بالفرنسية

و مشكووووووووووووووووورة