واش تنصحوني الخلع او.....

[oum imane83]

السلام عليكم
واحدة من معرفي تزوجت عندها عام وكي قريب تزيد صرا مشكل في الدار بين زوجها وامه تقرببا هوما كل يوم هكدا المهم الزوج زعافه خرج عن السيطرة وافعاله صارت تخوف وام الزوج قالت لعروستها بل الحت عليها تروح لدارهم باش تبعد على زوجها وماياذيهاش وبيد ما ترتاح اعصابه وخصوصا انه الزوجة كانت في الشهر التاسع. وبالفعل الزوجة كي شافت الحالة الهيستيرية تاع الزوجة وبالحاح عجوزتها عملت براي عجوزتها وراحت لدارهم بصح ماشي غضبانة راحت على اساس يرتاح الزوج وترحع، ولكن بعدما راحت لعجوز قلبت كلامها ونكرت بلي هي الي الحت عليها وحتى الزوج ماحوسش يرجع مرتهوخصوصي بعدما زيدت الزوجة في دار بابها ماحوسوش يرجعوها لدارها والزوجة حاولت كثير من المرات نتصل بالزوج واههلها ايضا بصح يا اما يهزش اثلا ماحاولش يهدر مع مرته ولا يشوف مزيوده وما مفقش عليهم طيلة توجدهم في دار بابها..وقاللهها في مكلمة خلاص الي بيناتما مانهميني لا انتي لا المزيود، مع العلم ازوج مريض ويتعالج منذ سنوات في مصح عقلي واالزوجة عرفت هاد الشيء بعد 3شهور من زوجها قالت دوكا خلاص طفرت نصبر ونرضى بمكتوبي وماخبرتش اهلها بلي اكتشفته رغم المشاكل الي عاشتها والي كانت اغلبيتها بسبب عجوتها، والزوج هو كان عصبي ومقلق بززاف بصح ما لحقش معاها لدرجة العنف الجسدي لكن شخصيته ماشي متزنة ويخاف خوف مش عادي من امه..
المهم دوكا الزوجة عدها 3شهزر في دارهم مع البيبي تاعها ودارهم الي راهم بصرفو عليها ومحتوينها والخمد الله واقفين معاها. وزاد اكتشفو انه الزوج كان له ماض اسود.. دوكا الزوجة حابة ترفع عليه قضية تجيب حقوقها وحق وليدها وفي نفس الوقت ماهيش حاية ترجع على خاطر زواج كان مبني على الخداع من طرف اهل الزوج الي خباو مرضه وزادو خباو امور اخرى عن ماضيه مانيش حابة نكتبهم هنا. نتمنى من اهل الاختصاص يجاوبو ويوجهو هاد الزوجة واش دير هل دير الخلع ولا واش دير هي حبت ما طولش بزااف في المحكمة ماضيعش وقتها ودراهم الي تصرفهم على المحاكم تصرفهم على وليدها على خاكر ماهيش خدامة واسف على الاطالة