سلام اختي
اولا الرجال ينقسمو على نوعين بخصوص النظافة الشخصية , كاين فئة معفونة دوريجين او لايهمه نظافته اطلاقا كاين فئة هي فئة عادية من الرجال ساعات ينقي روحو او ينظف بصح ماشي بطريقة ذائمة و مرتبة لانو في ذهنو انه رجل و الزين و الحرص على النطافة للمرأة , و الاشكال لهذه الفئة يصرا عند الزواج او تبقى فيه هذه الطبيعة بلا مايفيق , و ينسا انو راح يشارك شخص السرير و يكون اقرب ليه ( جسديا ) اكثر من امه و اقرب اصدقائه
عندك حلين اختي , يا اما تصارحيه و سوف تأتي هذه الطريقة بنتيجة و لكن سينكسر قلب الرجل و راح ديما يحملها في خاطرو لانو على مايبدو زوجك يبدو طيب في معاملته معاك.
و الحل الثاني و الذي افضله و هو اسلوب التعريض , و هذه الطريقة راح يكون فيه استاجابة على حسب فطنة وذكاء زوجك لرسائل التي توجهينه له
كمثال على ذلك حاولي انه عندما يدخل من برا انك توجديلو حوايج الدار و قوليلو راهم في صالدوبان و حطيلو لتم لوازم الاستحمام و معاها مزيل العرق و ريحة تان و غسول الفم و سربيتة نقية وجديدة و مرتبة
و كذلك مرة على مرة كي يجي خارج الى العمل حديلو حوايجو او قوليلو ارواح هنا انا ننلبسلك قمجة ونمشطلك شعرك او قوليلو نديرلك شوية ريحة او رد بالك تشمك وحدة برا هههههه زعما تغيري عليه
و زديي مثلا يوم الجمعة قبل مايروح للجامع وجديلو قميص تاعو مع مسك او عطر و كي يخرج من الدوش قوليلو نحيلك ظفارتين رجليك ( كل واحد كيفاه يتقبل هاد الفكرة , انا زوجتي تنحيلي ظفارتيا عادي )
على العموم هاد الامثلة و النقاط اهم حاجة فيها انو ديريهم بطريقة رومنسية و انك تهتمي بزوجك و تحبيه و ماتحسيهش بانك تأمري فيه بل شاركيه في هذه العملية.
الحل بسيط و قبل كل شيء عليك بالدعاء ثم الدعاء
تحياتي