محل تركيب وصيانة النظارات الطبية

[zahozo]

خدمت مدة 9 اشهر في محل النظاراتي ورفدت الخبرة لانو بانتلي ساهلة مع التركيز واشنو لي ما عجبنيش المعاملة والاسلوب تاع صاحبة المحل لانو طلبت منها عقد لمدة محدودة ولا حتى الادماج لكن كانت ترفض وكل مرة ديرلي سبة نخدم من 8 صباحا ل8 ليلا ووقت الراحة من 12 الى 1 مساءا وفي رمضان نخدم من 09 صباحا الى 4مساءا وفي الليل من 9 ليلا الى 01 ليلا تخيلو هذا كامل ب 15000 دج (يعني مليون ونص) وايام العطلة نخدمو تزيدني 500 دج (50 الف) وفي الاعياد ثاني عيد نصبح نخدم
خممت نفتح محل وحدي ومالقيتش الا جمعية الشهد بسكرة (شهادة من غرفة الصناعة) ولا جامعة سطيف لكن بشرط نعاود نقرا نظام ال ام دي (lmd) باك+ 5 سنوات
وانا عندي باك+ 03 سنوات هندسة ميكانيكية تخصص طاقوية وضرك في عمري 30 سنة وزعما نقدر نبدا من 0 مرة اخرى؟