اكتشفت خطيبي يشاهد الافلام الاباحية

[مشكلتي]

السلام عليكم

انا فتاة ف العشرينيات مخطوبة خطبة تقليدية منذ اكثر من سنة لشاب من منطقتنا سيرته جيدة جدا، محافظ على صلواته، طيب واهله ناس طيبين
مند بداية حديثنا عبر شبكات التواصل كان دايما يحب يهدر في المواضيع (....) كذا مرة وقفتو عند حدو ومكانش يعجبو الحال يقولي نتي معندكش قلب ومعندكش احساس واكثر منها يوصل يقولي نتي..... راني خايف منك ف المستقبل
فاتت الايام و مع اقتراب موعد العرس اكتشفت انو يتابع الافلام الاباحية من طريقة حديثه وخاصة لما ميتحكمش ف روحو يغلط بزاااف ويقول هدرات تاع انسان موالف يشوف (يوصفلي تفاصيل في جسم المرأة قسما بالله انا فتاة ولا مرة انتبهت لها) وزدت اكتشفت انو داير اعجاب لصفحة مكافحة ادمان المواقع الاباحية
انا مين نبقى بيني بين راسي تغيضني عمري نقول انا طول عمري نتمنى ندي انسان تقي ويخاف ربي علاه ندي هذا خممت افسخ الخطوبة معرفتش واش نقول لاهلي لاني منقدرش نفضحو ومن جهة اخرى حضرنا كل شي للعرس... كنت قريت مواضيع عبر الفايس بوك انو اكثر الشباب يتفرجو و99% منهم يحبو يهدرو مع الخطيبة في هاته المواضيع...
والله ندمت بزاف اللي قبلت بيه مع الاول بالرغم صليت استخارة و اهلي سقساو عليه مليح لكن حاسة وصلت لنقطة لا رجعة وفي نفس الوقت منقدرتش نتخيل نفسي مع انسان يتفرج الافلام
اعذروني فضفت قلبي عندكم لانو ما نقدر نحكي هذا الموضوع لاي شخص لا لامي لا لاختي لا لاي شخص اخر ونتمنى تفيدوني