![]() |
|
منتدى التسوق من الانترنت يختص بكل ما يتعلق بالشراء من الانترنت من اخبار و مواقع تسوق و تجارب اعضاء و طرق نقل السلع |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
FedEx اسوء خدمة شحن في الجزائر vs DHL
|
أدوات الموضوع | انواع عرض الموضوع |
![]() |
رقم المشاركة : 1 | ||||
|
![]() سلام عليكم اليوم حاب نتكلم على اسوء خدمة شحن في الجزائر بتجربتي الشخصية. وايضا الفرق بينه وبين خدمة DHL الراقية. - اول وأسوء شيئ في الشركة انه لايوجد أي ارقام للأتصال بها ولايوجد حتى دعم وحتى رقم الهاتف الخاص بهم 021 69 33 33 مقطوع وهو الرقم الوحيد اللذي تجده وحتى ارقام الهاتف داخل موقعهم تجدها مقطوعة. وعند الأستفسار في الأيميل الخاص بهم وجدت ثلاث ارقام تحت الوصف واستطعت الأتصال بشخص بعد عدة محاولات طويلة وبحث معمق. لاكن نفس الأرقام تم قطعها هاذا الأسبوع يعني لايوجد طريقة للتكلم الى عميل. - خدمة التوصيل عادية حتى للبيت في العاصمة فلا يوجد معي اي مشكل من هاذه الجهة. - خدمة الأرسال غير متوفرة وحتى لما تبحث في الموقع عن سعر القريب للشحن يقولك اتصل بنا باش نقولوك السعر وهما ميردوش اصلن على اي هاتف - مقراتهم بعيدة ولما تدخل عندهم مكانش مكتب ولا اي خدمة للتسهيل على المشتري او المرسل. هي تقريبا مجرد مستودع فقط. - عنند حجز الطرد ميتصلوش حتى بيك وميحوسوش عليك وتطيح تخلص واحد 1000 دينار كل نهار واذا محوستش على الطرد تاعك ودرت التتبع الطرد تاعك يقعد للأبد عند الجمارك. - خدمة بالتشناف من الشخص اللذي اتصلت بيه عند حجز طردي كأنه يخدم باطل ومراكش تخلصهم. وحتى العميل اللي يخدم في "المستودع" يخدم معاك كأنه في لابوسط يخدم معاك بكل كسل. خدمة DHL: - هي العكس تماما لخدمة فيديكس حيث ارقام الهاتف متوفرة في البحث وكل مرة اتصلت بهم يردوا بسرعة البرق حتى نشوف فيها خدمة اكثر من رائعة وحتى الشخص اللي تتكلم معه يتفهم الوضع ويساعدك في كل شي. - عند ارسال الطرد تقدر تدخل على الموقع ويجيك سعر بالتقريب وحتى الوقت وكتاش يوصل بالتقريب والسعر بالدينار الجزائري. - خدمة التوصيل احسن خدمة شفتها في حياتي لولا الجمارك اللي يقولك اعلى قيمة للطرد بدون جمركة هي 50,000 دينار. لوصلت كل الطرود بسرعة. - عند حجز الطرد اليوم اللي بعده يتصل بك التوصيل ويعطيك الورقة حتى للمنزل حتى لو تخلص 1000 دينار للتوصيل لاكن احسن من تخلصها كل نهار متجبدوش. ونفس اليوم تروح المطار وكل الاجزائات من جهة DHL تم تم تريقليها ولاكن بالطبع الجمارك تخدم بالتشناف وكل نص ساعة يخرج يهدر معى صحابه ساعة. - احسن خدمة في نضري في الجزائر ومحترفة والكل مريقل ماشاء الله. وفي الأخير نقول اذا راك تفكر تجيب مع FedEx حتى لوكان رخيصة نقولك غير دير DHL والله بدون مجاملة احسن خدمة شفتها في حياتي وقدر عالي من الأحترافية والمهارة. نتمنى انني افدتكم والى اللقاء
|
||||
![]() |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc