مـــــربى الـتــين و في نفس الوقت يصلح نقدموه كــــتحلية

[أمنية غفران]

]السلام عليكم و رحمة الله تعالى و بركاته
واش الحال و الأحوال ان شاء الله أموركم تمام ربي يرزقكم بالهنا و الصحة

اليوم جبت ليكم مربى او معجون التين راهو وقته هايل كيما قلت في العنوان نقدرو نقدموه كتحلية للعائلة و حتى للضيوف راح يعجبهم على ضمانتي ههههه

المهم بهاد المقادير رايحة تتحصلي عليه ماشي حلو بزاف يعني معتدل
.................................................. .................................................. ................................
خياتي نطلب منكم دعوة في ظهر الغيب ربي يسر أموري و يوفقني
.................................................. .................................................. ...............................



المكونات

كيلو من التين الكرموس الأخضر ماشي اليابس
كأسين من السكر العادي
كاسين من الماء
حبة ليمون

الطريقة ساهلة ماهلة

تخلطي السكر مع الماء و عصير حبة الليمون بارد في بارد و من بعد حطيه فوق النار كي تشوفيه بدا يغلي ضيفي التين يكون حبات يعني بلا ما تقطعيه
و ماتنحيش القشرة خليها عادي و هنايا نقصي النار
و بداي تعسي فيه غير تشوفي هاديك الرغوة البيضا نحيها
و في الأخير كي تشوفي لونه تغير للبني وطلق صلصة خاثرة شوي طفي عليه و خليه يبرد و من بعد احتفضي بيه في قارورات زجاج
و بصحتكم مسبقا اممممم جد لذيذ





هاد الكمية عمرتلي زوج بلارات



في أمان الله