السلام عليكم ورحمة الله وبركاته أعضاء المنتدى الكرام .
طلقت وانا في عمري 20 من 8 سنين وعندي طفل عمرو 9 سنين .. كل مرة يجيني خطاب نخاف انو طليقي يديلي ولدي كنت كل مرة نرفض بلا حتى منخمم حتى لقيت العمر يجري بيا ومنكذبش عليكم وليت نخاف اني نوقع في المعاصي راني نصارع في نفسي على قد ما نقدر .. ضرك خطبني واحد على خلق ودين وقابل بولدي . لكني كي العادة خايفة انو الحضانة تسقط عليا . راني في حيرة ما قدرت نفرط في ولدي ماني قادرة نشوف حياتي تضيع .. عييت والله . حابة نتستر الدنيا صعيبة ووحدي مقدرتش .. ربما تقولي علاه مترجعيهش لأب ولدك . أب ولدي تزوج وشاف حياتو بعد فترة قصيرة من الطلاق وما هوش مسقسي على ولدو نهار يديه وعشرة لا يسال الا بالنفقة لي يمد فيها حاجة زايدة مكانش.. لا علينا ربي وكيلو .
ديروني كي أختكم . ولي أم تحس بيا وانصحوني بارك الله فيكم