ممكن كل شخص وقدرته على التحمل وكل شخص واش قادر يصبر ويقرا اما لي يقلك تتعبي ماكانش منها سيرتو اذا كاان عندك الحمااس تاع القرااية وعندك هدف توصليلو واذا كنتي عارفة روحك مثلا ناقصة في مواد ما والعام مايكفيكش بااش تغطي النقص تااعك ..
انا فوتت بااك 2018 و2019 ..
في بااك 2018 بديت تقريباا والوقت هذا بداية جويلة او اواخر جوان .. وكنت نقرا تااع نقراا ثمن سوايع ماتتنحش ماتقوليش نتعب ولا حاجة بالعكس تتعودي على الساعات الطويلة خلال العام وماتحسيش بملل من بداية العام يعن لو تبدي من بداية العام حتان يوصل جانفي بااش تتعودي على الوقت الطوويل .. كل واحد حر هاني قلتها مايجي ينتقدني حتى واحد .. راي شخصي ..
المهم قريت الصيف عاادي ودخلت دورة لغاات ايضا تقريبا شهر .. مع بداية العام ماكانش عندي ذااك الفرااغ تاع الناس كامل مانيش عارف واش نقرا الوحدة مازال ماكملناهاش لا كنت بديت الوحدات الاولى تااع المواد العلمية في الصيف وفي بداية الموسم لقيت واش نحل وواش نحفظ .. وكملت على هذا المنواال عام كاامل ووصل البااك وريحت ملييح خرجت النتائج وماكانش المعدل لي نستنا فيه وبديت تقريبا اوااخر اكتوبر ومر عاام كامل حرة وهاني فوتت وعاادي ولا تعب ولا هم يحزنون فقط الهدف تااعك ماتوليش تشوفي في التعب ولي يقول يااسر حواايج ماراحش ديريها استغلي الصيف ابنتي وش تسغليه في الراحة وسنين لي فاتو لي ريحتيها ماتكفيش على جاال شهرين بااش تتعبو فيها ماتتقدرووش او ماتسمحوش في وقتها على جاال لقراية .. اذا مابطلتيش الحوايج من الان وقتاه حاتبطلها سيرتو موواقع التواصل ككل ..
يبقا مجرد راي ..
وبالتوفيق ..