السلام عليكم يا فراشااات
انا بنت يما لي علمتني قبل ما نمسح الدار 🏡 نكنس و نلم لوسخ باش ما يتوسخش الماء و النشاف يولي يبان معفون
انا بنت يما لي علمتني ننفض الزرابا قبل مانبدا نكنس ولا نسيق
انا بنت يما لي علمتني نمسح فريجدار قبل ما نرد القضيان🍠🍌🍆🍅🍏🍊🍎🍒🍑🍉🍐🍓🍇🍌 فيه
انا بنت يما لي علمتني منخليش الماكلا لي تبقى فالطباسا عريانا فالفرجدار لازم تندار ف les boîtes باش ما تتاثرش بالريحة تاع فريجدار و يبقى منظم
انا بنت يما لي علمتني قبل ما نغسل المواعين نشوف l'égouttoir ايلا راه نقي ولازم يتغسل على الأقل مرا في الأسبوع على خاطر الماء كي يتحجر فيها تزنجر وتولي تريح
انا بنت ماما لي علمتني كي نكمل غسيل المواعين منخليش levier مسخ لازم ينحك و يولي يشعل و الشيفونة تتغسل بقطرة جافيل وتتعصر و تتنشر باش ما يتكاثروش فيها الميكروبات
انا بنت يما لي علمتني كي نحي شكارة تاع poubelle قبل ماندير وحدخرا جديدة نغسل poubelle ونشفها
انا بنت ماما لي علمتني انو أعزكم الله 🚽🚽🚽toilette لازم يتنقى يوميا و على الأقل 2 مرات فالنهار و 🛀🛁🚿sale de bain كل يوم يتنقى خاصةlavabo و المرايا
انا بنت يما لي علمتني كي نديبارسي طابلا من المواعين لازم طابلا تتمسح 2 مرات و الكوزينة تتكنس و تتسيق
انا بنت يما لي علمتني انو الغبرة📺💻 لازم تتمسح كل يوم
انا بنت يما لي علمتني انو خزانا تاع صبابط لازم تترتب وما نخليش صبابط متراكمين
انا بنت يما لي علمتني انو port monteau ملازمش يتعمر بزاف مرا مرا ضرب طلا عليه لي تغسل يتغسل ولي يطبق يطبق ولي تخليه معلق خليه ماشي زيد زيد حتى يتقال و يطيح
انا بنت ماما لي علمتني كي نغسل الحوايج ونكمل منخليش طرافو (يعني منخليش باسينات ولا corbeille محطوطا و سائل الغسيل يترد لمكانو و الماشينة تتمسح وتتغطا و تيو تاع الماء يتلم ويتحط فبلاستو )
انا بنت يما لي علمتني كي نغسل القش نفرز الأبيض وحدو و الألوان وحدهم
انا بنت يما لي علمتني انو يلا كنتي عيانة و ماحبيتيش تغسلي مواعن معليش لكن على الأقل يلتمو على جيهة وحطي عليهم باسينا و تمسح البوطاجي و تخملي الكوزينة
انا بنت يما لي علمتني كي يجو ضياف 👩👧👵👪و يروحو لازم مواعن تاع الضياف يتغسلو و يتنشفو و يتخباو مايقعدوش يترينو حتى يتكسرو
انا بنت يما لي علمتني و مازلت نتعلم منها و نشكرها بزاف خاطر كلشي صبتو في ذراعي وربي يطول في عمرها ويخليها لينا و يكفيني دعوة زوجي كي يقلي يرحم الكرش لي رفداتك و اليدين لي رباوك 😍😍😍
وانتما واش تعلمتو من امهاتكم الكريمات كل وحدا تفيدنا #
( تقرير عن مشاركة سيئة )، و الموجودة أسفل كل مشاركة .
2019-01-17, 10:03
انا بنت يما لي علمتني
العرض الشجري