السلام عليكم انا حبيت نوريلكم طريقتين للاستفادة من قشور البرتقال مترميوهمش بعد ما تاكلوا البرتقال
اول طريقة هي عمل فواكه جافة لتنكيه الحلويات كالكيك و ال****ز و الله روعة
ناخذ القشور و نقطعهم مربعات صغيرة و نحطهم في اناء بيه ماء سخون يفظل يكون زجاجي ليس المنيوم و نخليه حوالي 8ساعات ام بعد نصفيهم و نغليهم في الماء حتى يطراو في طنجرة اخرى نطيب سيرو كيما نتع البغرير امبعد نحط فيه قشور البرتقال المغلي و المصفي ونخلي الخليط يعقد
بعد ما يبرد يحفظ في علبة محكمة الاغلاق في الثلاجة.
الطريقة الثانية هي لعصير هايل خاصة الا ما عندكش برتقال ،و حبيتي عصير بذوق البرتقال؟؟
تاخذي جزر تنقيه و تغليه حتى يطيب ام بعد تزيديلو كمية من الفواكه الجافة الجاهزة نتع الطريقة الاولى و السكر حسب الذوق او تطحني كلش بالبراميكسور،ام بعد تحطي الخليط فوق النار مع نصف باكي فلان فاني لكل لتر و يغلى يترك ليبرد و تزيديلو الماء حسب الذوق
بصحتكككككم