جوزو الذ طبق بالبسباس

[ام سلسبيل البليدية]

السلام عليكم :dاخواتي العزيزات اليوم راح نقدملكم اولى و صفاتي بالمنتدى نتمنى تجربوها راهي رايعة نعتذر على الصور معرفتش نزلها
لتحضير الطبق لازملنا
2حبات بسباس حجم كبير مقطعة مكعبات
حبة بصل مسكرفجة
دجاج حسب المتوفر
حفنة من الحمص او الزيتون الاخضر
معدنوس
جبن مربع لافاس كيري شاف
2بيضات
ملح وكركم
زيت
في طنجرة الظغط نقلو مليح البصل مع الدجاج و الكركم و الملح ثم نظيف البسباس يتقلى شوية و نمرق و نغلق الطنجرة حتى يطيب البسباس بلا ما يتحرحر ثم نصفيوه في اناء وحده و نظيفو للمرق لي بقا الحمص و نطيبوه
كي يبرد البسباس المصفى نزيدولو الفرماج المعدنوس و البيض الملح و نخلطو جيدا نحطوه في مول مدهون بالزيت حبذا لوكان ليمول فرديين تاع السيليكون كيما تاع الكاب كيك و ندخلوه للفرن مسخن من قبل حتى يحمار
في الاخير نوضعوا البسباس في طبق التقديم معاه المرق بالدجاج و الحمص بصحتككككككم
ملاحظة:ممكن تقديم البسباس وحده بارد كمقبلة مع سلطة