أصبت بإحباط وتدهور نفسي

[مشكلتي]

السلام عليكم
لست أدري لما يحدث كل هذا معي متفاجئة جدا ومنهااااااارة تمامااا معنوياتي لزيرو متتخيلوش قداش بصح هدا كامل وحدي عايشاته بركان خامد
تبدأ مشكلتي عندها 3ىسنوات بدأ شعري يتساقط بشكل متوسط إلى أن خف ومع ذلك ميبانش معاير لانوا منقبل كان كثيف جداااا ...لاحظت امي ذلك أخبرتني محتمل سوء تغذية أو عين اصابتني. .لكن الاحتمال الأول كان مستبعد لاني نتغذى جيدا واتبع نظام غذائي صحي حتى الأعشاب نحب نشربها ووقاية من للأمراض. ...المهم العام الماضي ازادات حالتي سوء أصابني الارهاق المزمن والتعب والدوار ديما حاكمني والم في المفاصل واسفل الظهر . ..بديناها بطبيبة الجلد باش نعرف علاه يتساقط شعري عطاتني تحاليل قاتلي عندك غدة الكظرية متخدمش مليح روحي للطبيب الغدد ...ممبعد رحت طبيبة تع الغدد عطاتني تحاليل اخرى نظن مقنعهاش حديث الطبيبة لفاتت قاتلي أخيرااا عندك هشاشة العظام ونقص فيتامين د ومركتلي حزمة تع دواء وبعد شهرين ونص نزيد ندير تحاليل أخرى. ...درك انا ملي سمعت بمرضى وانا توسوست حالتي النفسية ازدادت سوءا كيف لفتاة في عمر الزهور22 عام تمتاز بصحة جيدة وذات بنية قوية ينتهي بي المطاف بتناول أدوية تاكلها جداتي عمرها 88 سنة هي على الأقل جابت 12طفل ماذا عني ؟؟ من سيقبل بوحدة عظامها مهشمة؟ ! ماذا عن امي هل سأكون عالة عليها باش انا نقوم بيها درك ولات هي لي دير كلشي وحدها ..وأمور كثيرة عييت وانا نكتب ....ادعوالي ربي يشفيني ورجعلي صحتي كيما كانت قبل وعقلي لبلاصته
ادعولي من القلب وليس كتابة فقط جزاكم الله خيرااا