دورة " ربات بيوت واثقااااااات"

[شهد نوراليقين]

المشاركة الأصلية كتبت بواسطة ام شمسو محمد

مرحبا بعودتك اختي شهد ..الحمد لله اللي رضى علينا المنتدى و خلانا نتمتعو بطلتك علينا.... دايمة يارب ...
اهم شيء في حالتك اختي شهد راكي قلتيه ...هو انك ما تيأسيش ...كل يوم هو يوم آخر و يقدر يكون البداية الجديدة ليك ..المهم انك تبداي و لو كل يوم ..اصرارك راح يخليك تتغلبي على اقوى المشاكل ...اختي شهد ...انا بديت في اسلوب الفراشة العام الماضي و للآن مازلت ما اتخذتش و ضعيتي و لكن يكفيني شرفا اني نحاول كل يوم ...مع اني ناكدلك بلي وصلت لحالة مرضية جدا من الاستقرار و الاصلاح في بيتي و في مجمل حياتي تخليني بالفعل فخورة ..و لكن مازالت الطريق طويلة ..و متقبلة اني نمشيها لاشهر اخرى حتى نوصل لحالة الاستقرار التام في بيتي ..و بالنسبة لاكتساب العادات .والله غير صارت اوتوماتيكية لاافكر فيها ابدا ..و لا تنكسر ابدا ...لذلك اذا بداتي طريقك معنا فتزودي بالصبر ...هذا هو اكسير الحياة و مادة النجاح في كل شؤون الانسان ...ماعليهش اذا منعاتك الظروف القاهرة اليوم و غلبك الوضع غذا تغلبيه انتي المهم ماتستسلميش كيما قالت امي ام متين اللي هي في مثل سني و لكنها تتمتع بحكمة الامهات كل يوم ببركتو ماتعجزيش ...اما الاولا د و النصب اللي نشوفوه فيهم فذلك هو الضنى ...لامهرب لك منه منذ صرتي اما ...و اؤكد لك مجددا لكي تؤدي مهامك كام في احسن اداء عليك ان تنجحي في ترتيب بيتك و يومياتك لذلك يزداد تطلُّب التزامك بمشروع ربة المنزل المثالية الذي بداناه سويا

الله يريح قلبك و يطمئن نفسك أختي ام شمسو مثل ما طمنتيني كلماتك بلسم و الله و الحمد لله الذي وفقني لهذه اللمة الطيبة ربي يباركلكم لأنها بالنسبة ليا جرعة دواء مهدىء كلو حيوية و نشاط و منكم نستمد الطاقة و الحماس الحمد لله على كل حال و بكل صبر و عزيمة و اسرار رايحة نبدأ من جديد و كيما قلتي مش مهم الوقت شهر او شهور المهم النتائج
ام محمد ام متين جهينة و كامل حبيباتي اللي واساوني ربي يفرحكم كلامكم يفرح القلب و الله
الحمد لله بايتة مع بنتي مارقدتش و لكنها صبحت أحسن من البارح ان شاء الله اليوم تكون أحسن درت روتين تنظيف بسيط و نطبخ للعشاء فقط و نتهلى فيها فقط لأنه الأولوية ليها و ندير برنامج صغير نقسم فيه اشغالي على الأيام القادمة .... اشتقت للصلاة لاني بالعذر و نفسيتي متعبة
ربي يباركلكم ان شاء الله و يرزقكم الصحة و راحة البال