بٙـريُـوش مِـن مٙطـبٙـخْ ~ عٙـآشقةُ الجنٙـة ~

[ضآحكة مستبشرة]

السلام عليكم و رحمة الله تعالى و بركاته

البارح جربت وحد البريوش و النتيجة كانت جيدة و عجبتني حبيت نشاركم الوصفة لعلها تفيدكم

المكونات :

حبة بيض كاملة + بياض بيضة
4 مغارف كبار حليب بودرة ( و لي معندهاش تدير حليب عادي سائل )
3 مغارف كبار سكر
3 مغارف كبار زيت
2 معارف كبار خميرة الخبز ( و ليست الحلوى )
بلا مننساو الملح ديرو قرصة و الا رح يجي مسوس
مغرف صغيرة لافاني
كاس ماء دافئ
الفرينة

للتزيين :

صفار البيض و لي حبت تزيدلو شوية قهوة معليش
انا درت سانوج و فارميسال شوكولا
طريقة التحضير :

نجيبو طبسي كبير نحطو فيها البيض و نضيفو السكر و نخلطو و بعدها نزيد الزيت و الحليب و نخلطو مليح نضيفو كاس ماء دافي و نضيفو الفرينة و نحطو فوقها رشة ملح و لافاني و الخميرة و نخلطو حتى تولي عجينة

نحطوها داخل كيس بلاستيكي في طبسي في مكان يكون سخون شوية حتى تخمر العجينة و نعاودو نجيبوها نكسرولوها الخميرة و نخلوها تزيد ترتاح حتى تنتفخ و نعاودو نكسرولها العجين
يعني تكسار الخمير يكون مرتين و بعد المرة الثانية مباشرة نعملوها كرات صغار و نحطوها في صينية
و نخلوها تخمر كي يتنفخ العجين ندهنوه بالبيض و نزينوه بأي حاجة تحبوها و ندخلوها للفرن
حتى يولي لونها ذهبي و بعدها بالصحة و العافية (y)

هذه النتيجة من مطبخ










بصحتكم يا غوآلي