احلى التحليات .....في شهر الخير

[اسمهان79]

احلى احلى وديما تحلى و الحلو كلو في رمضان الخير
السلام عليكم ورحمة الله وبركاته
بسم الله وعلى بركة الله نبدئ

*** كريمة بصلصة التوفي والحامض***











من احلى التحليات وسهلاااااااااا وذوقها رااااااائع رااااااائع بكل ما تعنيه الكلمة
اولا نحضر صلصة التوفي
* صلصة التوفي * حطي نصف كاس من السكر العادي في طاوة وخليه على النار بلا ما تحركيه غير تشوفيه ذاب وتبدل لونو دري رشة قليلة ملح و ملعقة كبيرة ومليانة مليح زبدة طرية و حركي غي تذوب فرعي عليه نصف كاس كرام فراش سائلة وحركي ثم نحي وخليها تبرد
في طاوة نخلط كاس من صلصة التوفي وعصير حبة ليمون وعصير حبة برتقال م ص فاني صفار بيضة واحدة 2 م ك نشاء الذرة نخلط بارد في بارد ثم على النار حتى يثقال نفرغ في لي فغين ونخليه يبرد ومن بعد نزينو بالموز والكاراميل روعة في البنة ذوق مختلف ما بين الحلاوة والحامض
من الاحسن استعملي ليفيغين صغار لأنو هاذ لكريمة جي شوية ثقيلة
***كريمة نيسلي كاراميلزي بالجوز***







الكريمة رااااائعة والبنة تووووووب
نحتاج لتر حليب نذَوَبْ فيه 1 م ك كاكاو 4 م ك نشاء و 2 م ك حليب غبرة وشوية فاني نحطو على النار ونحرك لما تشوفيه لدى يسخن فرغي فيه علبة نتاع نيسلي كاراميلزي و نصف كاس جوز مرحي ونخلط بدون توقف حتى يثقال الخليط مليح ويدير فقاعات فرغيه في فيغين نتاعك وخليه يبرد مليح من بعد زيينيه بالجوز مدشدش وفرغي عليه كمية من الكاراميل وقدميه والله من اروع التحليات امممممم
*** لاكرام موسلين مع باندوبيس***







نخلط 4 صفار البيض مع 4 م ك نشاء و 2وم ك سكر فقط و فاني وشوية حليب بارد ثم نضيف عليهم غ نصف لتر حليب دافئ ونخلط الكل على النار حتى يثقال نحي من على النار واضيفي 100 زبدة ستار وتكون بحرارة الغرفة نلوح بالشوية ونضرب بالباتور نضرب مليح مليح حتى يرجع يبرق ونضيف 2 م ك عسل ونخلط
نغطيها ونخليها تبرد مليح
ومن بعد نزيد نضربها بالباتور مليح
ونزين في أكواب التقديم نضع اول طبقة لاكرام ثم باندوبيس مفتت انا مررتو في السيار( الغربال ) اللي يكونو عيونه كبار ونفرغ عليه مغرفة صغيرة ما الزهر او شربات تكون خيفةثم لاكرام ونزيين بحبيبات الحلوة
( ملاحظة ) التزيين و التقديم قبل الاكل مباشرة لأنك لو توجديها وتحطيها في الثلاجة راح تجمدلك لكريمة او اذا وضعتيها في الثلاجة اجبديها قبل التقديم بمدة

*** تحلية بزبدة الفول السوداني روعةةةةةة ***






قبل كل شيئ طريقة صنع زبدة الفول السوداني ...راهي موجودة في اليوتيوب ...وطريقة صنعها ساهلة ...ومتتكلفش انا فقط هنا كنت شريتها جاهزة وبنتها رهيبة ننصحكم بيها راح نحط صورتها... للعلم فقط انا شريتها من لافوار في العاصمة واكيد موجودة
في المحلات الكبرى وهنا المقادير انتي اللي تتحكمي فيها على حساب لعائلة نتاعك
أولاً خلطي 2 موك من زبدة الفول السوداني... مع نصف علبة من جبنة المسكاربون ( وراهي متوفرة في المحلات ) ورشة فاني و 2 م ك سكر رطب وخلطي مليح بالباتور




من جيهة طلعلي أيضاً نصف كاس حليب بارد جداً مع 5 او 6ملاعق كبار كرام شانتي ورشة فاني وطلعي مليح أيضاً بالباتور المهم هنا الكريمة تكون ثقيلة بزاف
نروح للتركيب نحط أولاً في ليفيغين نتاوعنا نحط كريمة شانتي في لا بوش ادوي ونحط في أسفل الكأس ثم نرس كمية من الكوكاو ( الفول السوداني ) ...تكوني حمصتيه من قبل ورحتيه ونزيد نحط كمية من كريمة زبدة الفول السوداني.... ونزين بحبات الكوكاو
ممكن تعملي عدة طبقات وتستعملي ليفيغين حجم صغير
صدقوني ذوقها اقل ما يقال عنها واااااااائعة
*** تحلية بالقفريط ونكهة الكاراميل ***












بنتها رهيبة وحقيقتاً توووووب
خذي كمية من قاطو القفريط فتتيه وخطبه في أسفل الكؤوس ورشيه
بالقليل من الشربات ( السيرو ) فقط باش يندي شوية ما يبقاش شاد روحه
من جيهة نطلع كمية من غبرة الشانتي مع كمية من لاكرام فراش سائلة تكون باردة جداً وايضاً ياريت نوع اوپلا رائعة في المذاق وايضاً ثلاث ملاعق كبار عطر الكاراميل نطلع مليح اذا شفتيها خفيفة أضيفي مرة اخرى غبرة الشانتي باه تثقال مليح نخليها تبرد شوية ومن بعد نحطها في لابوش ادوي ونزين في الكؤوس فوق القفريط
وشوية كاراميل والله والله ذوقها تووووووووووب




*** ✨تحلية الطبقات✨ ***





اول طبقة شوكولا سائلة.. في بول يكون غامق وطويل ..من الاحسن الطاس
اللي يجي مع لبرا ..ميكسور حطي ربع كوب زيت تقريباً كاس لحظة ( حليب غبرة ) ..نصف كاس كاكاو ..فاني ..نصف كاس ماء.. و نخلط بالبرا ميكسور ..حتى تثقال..
ثاني طبقة اي بسكوت عندك في الدار ..بيمو ..او ماجور.. او مسكوتة ..المهم تكون مفتة..
ثالث طبقة موز ..مقطع دوائر.. ومحطوط في اي عصير عندك..
رابع طبقة علبة جبنة ما سكاربون ..نطلعها مع زوج ملاعق سكر ..رطب ورشة فاني..
نحط في ليفيغين بالتدريج ..اولا صوص الشوكولا.. ثم القاطو ..ثم الموز.. ثم كريمة الماسكاربون ..ونزين بخطوط من صوص الشوكولا.. مثل الشكل اللي يجي فوق الملفاي ..
بالصحة...
*** تحلية بجبن كيري مربعات ***





اولا نأخذ علبة من جبن كيري مربعات نجبدو ليلة من قبل باه يطرى..
ثم نضربه ب بالباتور.. مع 3 م ك سكر رطب ..وشوية نتاع لافاني ..ونضيف 2 م ك كرام فراش ثقيلة ..ونضرب مليح
من جيهة ..نطلع كرام شانتي ..مع شوية حليب بارد.. ثم نخلطها مع الخليط الاول ..من فوق لتحت ..نعمل اول طبقة ..في ليفيغين نتاوعنا ..ثم طبقة من لفراز مقطع رقيق ..ثم طبقة من لكريمة.. ونزين بالفراز ونقدمها ..خفيفة وسهلة ..والاهم ..بنينة
*** تحليه بالنواد كوكو ***









نصف لتر حليب عملت فيه 4 م ك نواد كوكو ..4 م ك سكر.. ( هنا السكر حسب الذوق نتاع كل واحد ) 3 م ك نشاء.. ملعقة صغيرة فاني ..من الاحسن نتاع الميزان ..رشة زنجبيل مطحون رطب.. ونصف كاس حليب جوز الهند.. وإذا لم يتوفر عندك ممكن الاستغناء عليه ..رغم إنّو يمد بنة رهيبة.. نخلط كلش على النار حتى يثقال ..نفرغ الخليط في مول السيليكون.. باه يسهل عليك تقليبه.. بعد ما يبرد..
زينيه بصلصة التوفي ..عطاتو ذوق راااااائع ..وايضاً زينته بحبة من شوكولا رافايلو.. جاء اممممممم
صلصة التوفي *
حطي نصف كاس من السكر ..العادي ..في طاوة وخليه على النار.. بلا ما تحركيه غير تشوفيه ذاب وتبدل لونو.. ديري رشة قليلة ملح ..و ملعقة كبيرة ومليانة مليح زبدة طرية.. و حركي غير تذوب فرغي ..عليه نصف كاس كرام فراش سائلة ..وحركي ثم نحي.. وخليها تبرد.. واستعمليها في التزيين



في امان الله حبيباتي
دعوة خير في شهر الخير