السلام خواتاتي لعزاز صحاب الكوزينة الزينة و الطياب البنين
حبيت اليوم نهدرو على وحد الظاهرة لي اسمها دبس التمر
![](https://www.up.djelfa.info/uploads/149382711496251.jpg)
شفت بزاف خواتاتي الزينات في المنتدى يقولولو دبس التمر مع انو هذا الدبس كان موجود منذ القدم في الجزائر و اسمو رُبْ التمر
معليش مافيها والو كي نغلطو لكن اذا عرفنا الحقيقة و بقينا نقولو راح تنقرض الحضارة تاعنا و نولو نبانو حنا ما نعرفو نديرو والو صح ولا لالا ؟
اذا الطريقة :
تحكمي التمر لي ماشي شباب يعني شفتي مرات نشرو تمر و ما يعجبوناش شي حبات
او تشري التمر الرخيس في السوق
خاطش هو الرب ما يندارش بالتمر المعسل
نقيه من العلف و اغسليه و حطيه يغلي حتى تتحصلي على الماء يولي لونو احمر داكن
وحد 2 سا ولا 3 سا فوق النار هادية
تحكمي تصفيه و تخليه يقطر بعقلو
تحكمي هذاك السائل الاحمر الداكن و ديريه في كسرونة و تخليه يزيد يطيب لكن بشرط تكون النار قليلة حتى يعقد خاطش لوكان تزيدي للنار راح يولي كاراميل و تروح بنة التمر
كاين لي يديروه جاري بزاف يوصل لدرجة غليان 105° و كاين لي يديروه عاقد يوصلوه حتى 108° او 110°
ضرك انتي و واش حابة
و هذا طيبيه كي يكون موسم التمر باش نهار يخرج التمر في جانفي فيفري مارس و افريل هاذو كامل ما فيهمش التمر تاكلي الرُبْ
مع الطعام
مع الخبز
ديرو بيه الشربات زيديلو الماء البارد عليه
و حبيت نبه تاني لحاجة هو ماشي دواء هو فقط مادة غذائية مليحة للجسم اذا ردو بالكم يخدعوكم
و الرُبْ تقدري تديريه بأي فاكهة بنفسك الطريقة
مثلا الرمان
التفاح
الايجاص
العنب