ميني كيك بدوق القهوة والقوفريط

[حياة نور الدين]

السلام عليكم

كما تعرفوا انا نميل للمالح اكثر من الحلو لانه يصدق وينجح معي اكثر بصح قررت انه حتى الحلو راح نلبز حتى ننجح ههههه
تفضلوا ميني كيك بدوق القهوة والقوفريط امممم



المقادير

4 حبات بيض
10 مغارف كبار سكر
8 مغارف كبار زيت
فنجان قهوة او ساشي نيسكافي
نكهة الكراميل
1 خمارة كيميائية 2 مغارف كبار كاكاو
10 مغارف كبار فرينة
مربى مخفف
قوفريط دوق شكولا مرحي
شكولا بيضاء وسوداء



التحضير.
في اناء نحط البيض والسكر ونضربهم مليح ثم نضيف الزيت والقهوة والكاكاو ونضرب
نضيف الخمارة والفرينة ونخلط الكل

ناخد مولات صغار للكيك ونعمرهم نصف الحجم فقط او مولات المادلان
ندخلهم لفرن مسخن مسبقا على 180 درجة
كي يطيب نخرجوه نخلوه يبرد وننزعه من المول





ناخد مربى مخفف ندهن الميني كايك تاعنا ثم نرمدهم في قوفريط مطحون ونزينهم حسب الرغبة







للامانة فكرة الوصفة من الفايس وانا حرفت فيها