لمحبي الفول الاخضر ..اتفضلو عندي ...

[ام هدول]

اليوم جبتلكم ..طبق تقليدي محض ...تعلمتو على ميمتي ..لي تعلمتو على ميمتها ..لي تعلمتو على ميمتها ...الخ ...هو شخشوخة الفول الاخضر .....بمانو وقت الفول ...دائما ندير هاد الشخشوخة لبنينة ...قلت نشاركم هاد الطبق ....كاين لي يعرفو ...بطرق اخرى..ايليكم طريقتي .....


نبدا و بالفول بعد لي فركناه ..نحطوه في الكسكاس يفور



نروحو للعجينة ..لي كنا بليناها من قبل ..وخليناها ترتاح ونعجنوها ونسقوها ونقرصوها ...نضن الطريقة معروفة ...فقط ماعنديش العجانة نستعمل ييديا البنة في اليييدن طبعا ....







..هنا نغطوها ونخلوها شوية ترتاح ونبداو نطيبوها في الطاجين ...
هنا كي نلقاو الفول دخلو الطياب ..نملحوه ونخلوه يزد شوية مع تحركيه بالكسكاس نفسه

نفرغو الفول في قصعة ونمعسوه بالمغرف ومن بعد نكملو نعجنوه بيدنا



نخلوه بجيه ونرجعو للشخشوخة نكون طيبناها وشخشخناها


هنا طبعا نرفد حبات للقهوة (عصفورين بحرج واحد خخخ)
نحطوها تفور وقبل نحطو في الكسكاس زوج فرشيطات بهاد الشكل تسهل مرور البخار ....

كي تفور الشخشوخة نفرغوها فوق الفول ونحلوها من بعضاها ونخلوطوها مع الفول

هنا لكي الاختيار تحبي تضيفيلها كمية من زيت الزيتون هي في الاصل بزيت الزيتون ...لي يحبوه طبعا ...حطو بسخاء ...

او خليط مابين زيت الزيتون والزبدة ..او زبدة فقط ..خاصة اد كانت زبدة حرة ....يعني انت واش تحبي ....في كل الحالات تجي رووعة
خليها تريح شوية وقدميها ....

من اروع مايكون ..على قد بساطتها على قد حلاوتها ....

هنا ماصبرتش بديت فيها ..ههههه

عن قرب امممممممممممممممممم

ياجمالو خاصة كي يبات للصبح ...طعم اخر لا يقوام

ان شالله تكون عجبتكم الوصفة ..جربوها وردولي بالخبر خاصة لي يحبو الفول الاخضر ....يمي مي ......سلالالام