بسبوسة روووعة من عند صديقتي جزاها الله خيرا

[RIMA.87]

المشاركة الأصلية كتبت بواسطة آسيا 27

الله يعطيك الصحة ريما انت و صاحبتك

العفو اختي آسيا ،نورتي الموضوع بمروورك العطر

المشاركة الأصلية كتبت بواسطة انا هي رزيقة

ربي يبارك فيك اختي ريما و الله تبان مغرية و شكلها المشهي شجعني نجربها مع اني عمري مدرت بسبوسة..... خخخخخ معليش رايحة نخوض التجربة باذن الله و اكيد نرجعلك خبارها ان شاء االله برك تصلحلي ... يعطيك الصحة حنونتي و ربي يرزق صاحبتك و اياك خيري الدنيا و الاخرة

و فيك بارك الله اختي رزيقة،
خوضي التجربة و لن تندمي باذن الله اختي رزيقة و رايحة تدعيلي ليا و لصديقتي مرة اخرى ،
لاني جربت وصفة صديقتي وكنت اول مرة ندير بسبوسة و كانت نتيجة قمة في الرووووعة و الحمد لله.
و اشكرك على الدعاء و طيب الكلام يا طيبة و لك بالمثل اختي.

المشاركة الأصلية كتبت بواسطة line mofie

السلام عليكم أختي الفاضلة يعطيك الصحة جاتك روعة
بصح اسمحيلي هاذي أسمها مشوشة ماشي بسبوسة
البسبوسة تختلف على المشوشة في بعض المقادير والمكونات
مكوناتها هي 2 حبات بيض فقط + كأس الى ربع سكر + كأس الى ربع حليب +نصف كأس زيت + 1 خمارة حلوة + فاني أو مبشور البرتقال أو الليمون الذوق أختياري أو ماء الزهر + كأس وربع كأس سميد رطب لازم يكون رطب تجمعي المكونات مع بعض وتحطيها في مول مدهون بالزبدة ومرشوش عليه الفرينة دخليها للفرن درجة الحرارة 180 حتى طيب وتحمريها من فوق وتسقيهابالشاربات لي تكوني وجدتيها من قبل وخليتيها تبرد وهي كأس سكر + 2كيسان ماء تحطيهم فوق النار وكي تبدا تغلي خليها 10دقائق وطفي عليها وخليها تبرد , كي تسقي بسبوستك خليها ترتاح 10 دقائق وقطعي وكولي بالصحة والعافية
جربيها ودعيلي ختي اللعزيزة

و عليكم السلام و رحمة الله و بركاته ،
على حسب معلوماتي البسيطة و مع مراعاة اختلاف التسميات في كل منطقة فان الوصفة لي حطيتها في موضوعي هي وصفة البسبوسة ،
اما المشوشة في منطقتنا اولا نطيبوها في المقلاة مقاديرها تختلف قليلا على البسبوسة مافيهاش الحليب و الزيت و الله اعلى و اعلم

المهم اختي في الله اشكرك على الوصفة لكن اذكرك انك ذكرت وصفة البسبوسة بمقادير صغيرة و فقط .

المشاركة الأصلية كتبت بواسطة amel...

يعطيك الصحة ... و ربي يجازيك انت و صديقتك كل خير ان شاء الله

و لك بالمثل اختي امال

المشاركة الأصلية كتبت بواسطة salamon kalou

شكرا
بينا خفيف. مثل. الصفنج. شكرا. اعطيك. الصحه. وشكر. علي المجهودات

العفو ،و مشكوورة على المرور

المشاركة الأصلية كتبت بواسطة jenah

مممممم نموت عليها مسكرورة

العفو اختي

المشاركة الأصلية كتبت بواسطة zinna

ربي يرزق كل محروم أن شاء الله ...شكراا

آميييين ،نورتي اختي

المشاركة الأصلية كتبت بواسطة Simsim.rd

شكرا على الوصفة

العفو اختي

المشاركة الأصلية كتبت بواسطة marwa81

يعطيك الصحة اختي بصح اسمحيلي 8بيض بززززاف انا ندير 3 و تخرجلي تهبل ï؟½ï؟½ï؟½ï؟½ï؟½ï؟½

نورتي الموضوع بمروورك العطر اختي،
لكن 8بيضات و المقادير المذكوورة بالنسبة لصينية كبيرة الحجم ،كما ذكرت سابقا
و أردت أن أنقل وصفة صديقتي كما هي و كل أخت حرة في عدد البيضات و في الوصفة لي تستعملها .

المشاركة الأصلية كتبت بواسطة LINA 97

ربي يجازيك ويكرمك دنيا وآخرة.

و لك بالمثل اختي لينا ،مشكوووورة على مرورك العطر و طيب الكلام و الدعاء .