ياحصـــرا

[بوبكر بن علي]

ياحصرا نا درتك صاحب// وقلبي لي فيك راغب //حطيتك عند الحاجب//حسبتك تسوى
شكيتك بيا تلعب// وانت في الصح تكذب// حديث بلسان مرطب// تقولي حنا خيوة
انا كلخلي قلبي//هو سباب تعبي// ضركة فرج ربي// وجات الصحوة
نا نرمي ذي المحبة// ماعندي فيها رغبة //من الاصل هي كذبة// وبنيتهالي حشوة
ماشلي انا بصحاب// يدزيني ماندير احباب//غير الحيلة والتهزاب// خلطتهم قا بلوة
مانديرك ليا حبيب// وانت فيك خصل الذيب// ديما تبكري بالعيب// جرتك ليا شقوة
جبت خصال الصالح // وهي قا قضيان صوالح// عندي جاي ورايح// وتبدل فالكسوة
تذملي فالعبد المكار// وتقولي مانشتيش الزكار// تعاود في لذكار// وجايبلي فتوة
انا لي حسبتك ذكار// قلت طيب مافيك مرار// وانت تعود من لخيار// شكيتك قا حسوة
هاك اليوم قضيت صلاحك// وانت لي هلكت مداحك// اقترتو واه بسلاحك// ظني ذي قسوة
نا ضركة لابد نحيد// نسوكى ونعود بعيد//ونجيب لون جديد// ننقي ذيك الشوة
ها ماشلي اليوم نلوح// لي طيحني ع القحقوح// الدارق قع ولى مفضوح // والناظر قدوة
تعيا واش تكلخ// لي ردا مايتملخ// ماعونك راه مجلخ // وزاد مكسور العروة
نا ضركة قع نباري// مانامن لي جاي شواري// ولو تعناني ساري// ويعود مولا سطوى
راك تتقيزب اليوم// تحسب ذا الحال يدوم// ديما زندك مبروم// عايش في زهوة
لو تعلا تصفى للغيوم// وتحانك القمر المقيوم// ماتعيا ملموم// في التراب تهوا
........يتبع...................................... ..............بقلمي(زفزافي الحاج)