درت الراس عند الراس انا واختي

[فاطمة شلف]

راه القلب تعمر ومحبوبي شق صدري
ماست دواء ولا طبيب يجي يعالجني
قلت روح نريح عند اختي بلاك يهدى بالي
ستها مخملة الكابة وعند الحيط تبكي
كي شافتني سقطو دموعها وحرقت قلبي
درات الراس عند الراس وليت نبكي
هي تمسح دموعي وانا بالمثل دوري
طيبنا فنجان قهوة كما ناس بكري
ذاك الحطب والفحم على نار تقدي
شربنا قهوة مرة ومالهم تملئ كاسي
شربت الاول وزدت الثاني بلما ندري
ولينا نبكو والدمعة على الخد تجري
قاتلي لا تحزني هذا مكتوب ربي
درنا الراس عند الراس وليت نبكي
اختي تمسح دموعي وانا بالمثل دوري
بكينا وشكينا وروات الاض منها ومني
وريحنا قلوبنا ولي مسها مسني
وصايتي ليك يااختي صلي وادعي
والمكتوبة على الجبين ماتمحيها يدك ولا يدي
لايهمك يااختي ناديلي بالحفة نجيك نجوري
رغم المعنات لا تقولي راني وحدي
جبت القلب منصف ديتوا عامر يااختي
ان شاء الله ربي يسقم سعدك وسعدي
حظنا عكسنا خاب ضنك وخاب ضني
مابقى غير الصبر والشكوى لله العالي

بقلم فاطمة شلف