مجتمع بائس في الحياة الزوجية

[كاميلا]

السلام عليكم
موضوعي موجه لمنعدمي المنطق والعقل

موجه لذوي العقول البائسة ...الغبية ....الخبيثة ....اللئيمة
الزواج ليس زوجة تاتي بها من بيت اهلها وتضعها في بيتك او بيت اهلك لتكون خادمة ومهرج وطبيب نفسي لاهلك
امك غاضبة من والدك لديها مشاكل متجذرة ...عايشة فوق قلبها معاه صرعتكم بحكاية صبرت على جالتكم .........تجيبلها زوجة ديرها مرمطون تخرج فيها العجب العجاب وتتفنن في الظلم ....بصح لازم العروسة متقلقش والا مش بنت فميلية .......نظرية وش قاسيت مع عجوزتي تشوفوا عوستي

باباك حاب يزوج على امك .....متقاعد .....تتزوج انت يولي ليل ونهار يفتعل في المشاكل وينه الفدا وينه العشا وتطبل فوق راس العروسة يمسحوا فيها كلش ...راهي خايبة راهي مش مربية امها خايبة ويجبدوا كل عايلتها بالسوء

اختك متزوجتش ..................نقاط طويلة حساسيات من كلام الكنة ...........تطلع هبالها على ولاد خوها بالضرب تضرب النح على عمل البيت ...علاش لانه خوها جابلها خديمة بلا شهرية وينساو باللي هاد الزوجة سكنت معاهم يعني يتقاسموا كلش بالتساوي في المنزل ماشي هي اللي ديرلهم كلش

خوك بطال ولفتوا امك راقد تجيبله كاس ماء ............مرتك تتحبس متقدرش تتحرك في الدار وادا زغدت اه هاديك متحشمش تنعت في روحها لسلفها ............................الخ

هو ميعتبش دار نسابه بالعوام وحتى في العياد .................... عادي راهو راجل
هي كون متروحش في نهاية الاسبوع ......تسمى كلبة بنت كلب


هو يصرف عليها ...................احنا اهله انا امه انا باباه احنا اولى بدراهمه منها ومن ولادها راهم نشفوا وليدي من الدراهم
لبنتهم .........راجلك لازم يصرف عليك نحيلهم الدراهم ......ولفيه يمدلك ...................
النية مكانش خلاص الله يستر

احنا هوما والديك قالها المصري بامارة ايه انتوما والديا تعبتوا فيا ؟ عبارة القصد منها الاستغلال

الكنة كي تدخل واحد منهم معندوا نية احتوائها كامل يشوفوا فيها عدو الكبير هو اللي يحتوي الصغير اما راني غالطة ؟

الام الجزائرية احمدي ربيزوجتك ولدي انا اللي تعبت فيه وربيته وسهرت عليه ....................لا يا حبيبتي امالا كان المفروض متتعبيش ومتربيهش تولدي والشارع يربي مثلا ؟ ...........نظرية الابتزاز الاخلاقي يعني ربيت ولدي ندير فيك واش نحب تقفلي فمك



الزوجة في نظرهم جارية وليست زوجة
طباخة زوجة حبيبة خادمة مربية ولادة .................ليه

خدامة طبيب نفسي .... صابرة كلون ............لاهله


باختصار ماهيش بنادم راهي اكثر من العبد .... ديما ديما العبيد يديوا اجر اما هي اجرها سبيطار المهابل