الجزء الثالث من وصفات حراير واش طيبتي اليوم

[idron0]

بوري بصوص فخذ الداند محشي و زيتون kahina maam

لازم اولا فخذ داند مخلي العظام تفرشيه مسطح و تذرذري عليه فلفل اكحل و ملح و تدخليلو ما بين الشقوق قطع صغيرة من الثوم ثم حطي على السطع كفتة لحم مداوية بفلفل اكحل و ملح ثم روليه و فيسليه مليح بخيط الطهي و حضري خليط من الملح و الفلفل الاكحل و الزعفران و حكي بيه مليح الرولي تاعك من الفوق و زيدي حطيلو قطع من الثوم ما بين الشقوق و تكوني حضرتي بصلة كبيرة او 2 بصلات متوسطة (هنا لازم كمية مليحة من البصل) مقطعة رقيق جدا مشي مسكرفجة و حطيها في كسرونة او مرميطة تديلك هذاك الرولي تاعك و حطي معاها فلفل اكحل و زعفران و ملح و كاس ماء و ملعقة صغيرة سكنجبير و طرف مارغارين يعني حوالي ملعقتين كبار و فوقهم رولي الداند و ربطة قصبر ورقتين رند و شعلي عليهم نار قليلة و خليهم يطيبو دون متقليهم يعني تحطي كلش بارد في بارد و شعلي النار و عسي على الرولي تاعك حتى تشوفي الما نشف و البصل ذاب كامل و بدا يتكرمل يعني تشوفي لونو حمار مائل الى البني لازم تتحصلي على هذ اللون و الما نشف تماما هنا يكون الرولي طاب اذا شفتيه مطابش زيدي شوية ما و عسي عليه حتى يطيب سينو نحيه و زيدي ماء مع زيتون منزوع النوا ومغلي و خليه ياخذ غلوتين في ديك الصوص تع البصل المكرمل هذيك هي الصوص لي رايحة تسقي بها البوري تاعك. و االرولي حمريه في شوية زبدة و قطعيه .ملاحظة الزيتون و الماء تزيدي قد احتياجك الى الصوص يعني عينك ميزانك المهم هذاك البصل المكرمل و لي طاب فيه الرولي هما القاعدة تع الصوص و صدقوني بنينة فعلا و رايحة نطبق الوصفة في اقرب وقت . و البوري بطاطا مفورة عادي و فيها حليب و زبدة .



إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.