شطيطحة سردين ..... على طريقة زٌخْرٌفَةُُ

[zokhrofa]

السلام عليكم

اليوم حبيت نتشارك معاكم سر بنة شطيطحة السردين اللي درتها هذي أول مرة بنينة



الطريقة :

تنحي قشرة السردين

تشليه بالماء مليح مليح و هذه آخر مرة تمسيه بالماء (هذا هو سر البنة و الا حتنحيلو كامل بنتو)

بعدها تنحيلو الرأس متبوع بالامعاء ثم العمود الفقري (حيث تتخلصي من جميع الأشواك و الذيل)

بعدها في اناء حطي السمك زيدي فوقو أرز مسلوق مسبقا و معدنوس مفروم + شوية ملح ليس الكثير و عجنيهم بيدك و شكلي كريات حسب اختيارك و أفراد عائلتك (أنا كيلو و نص رطل جاوني 12 كرية كبيرة بزاف)

في المهراز حطي 6 سنات ثوم متوسطين أو 3 كبار + ملح + فلفل أسود + فلفل أحمر (عكري) + فلفل حار + كمون + شوية زيت

هرسيهم مليح

في اناء الطبخ حكي شوية ماء (هذا سر ثاني لأن الفلفل الأحمر ملازمش يتقلى في الزيت دون ماء و إلاّ يولي مر المذاق / اعتمدي هذا السر في كل المأكولات التي يستعمل فيها فلفل أحمر)

عندما يغلي أضيفي كمية الماء المناسبة لاحتمال كمية كريات السردين

حطي الكريات في اناء الطبخ على نار متوسطة حيث يبقى الماء يغلي

حتى تشوفي كمية الماء نقست شوية على ليكانت و عقدت على لي كانت

هذا هو كل شيء

بصحتكم

أرجو التفاعل و خاصة تقولولي اذا جربتوها و جاتكم مليحة كيما أنا دربت يومين و أنا ناكل فيها هههه غداء + غداء + عشاء ههههه

حيلة : باش تروحلك الريحة من المطبخ و اليدين حكي يديك بقهوة اما جديدة أو طايبة و نقي مكان وحوض الكوزينة بالقهوة أيضا

أما السردين فمتنقيهش داخل الماء، يعني مصارنو و مخلفاتو نقيهم داخل ساشي باش ترميه في الأخير

لأنك لوكان تنقي في الماء و هذاك الماء ترميه في المجاري الدار تولي غير سردين لعدة أيام

ملاحظة : كلمة شكرا مجانية في المنتدى هههههه