أسرار الكاران، كارانتيكا، Grantita .... مع زٌخْرٌفَةُُ

[zokhrofa]

اولا سلام



أصل الكلمة اسباني يعني ساخن "caliente"

كي كان الاسبان في بلاد الجزائر يحارب، الطبّاخ خلاصلو كلّش بقاتلو غير الحمص بودرة جرب الوصفة من راسو

نهار حطوها للجنود الاسباني بدا يقول caliente....caliente يعي ووااااا سخون سخون

من هذي جاء الاسم

أما طريقة التحضير فهي كالتالي :

السر الأول : تشمخيها قبل مطيبيها في الليل اذا للفطور و في الصباح اذا للعشاء

السر الثاني : هي لا تطهى من الأسفل فقط بل 30د من الاسفل فقط و الباقي من الأعلى، أي بعد ما تسخني الفرن مليح حطيها فيالوسط باش متتحرقش كي يجوزو 30 د اشعلي من الفوق حتى تتحصلي على النتيجة كيما هاذي



السر الثالث: اذا كان مزال موعد الاكل و هي طابت لازم تخرج من الفرن باش متكملش تنشف و غطي الطبق بالورق البلاستيكي

السر الرابع : جامي تحطي في الوصفة خميرة فورية جاميييي حتمدلها ذوق مقزز

أما الوصفة :

كيلة فرينة الحمص + 4 كيلات ماء و تخليها تتشمخ

بعدها نحي هذاك الماء و عوضيه ب 4 كيلات ماء او 3 كيلات ماء و 1 كيلة حليب

+ 1 بيض + ملح + فلفل أسود خلطي لتتجانس المواد
+ زيت

ادهني طبق الفرن بالزبدة و حطي فيه الخليط

حطيها في الفرن و الباقي كما سبق الذكر



كي تطيب ذرذري عليها شويييييية كمون فقط للزينة



ملاحظة: الى كل من جربت الوصفة و جاتها طبقة كبيرة من المحص نقولك اختي الكمية كانت كبيرة على طبق الفرن

انا حصل لي نفس المشكل في المرة لي بعدها وزعت الكمية على طبقين او انتي استعملي طبق اكبر بحيث كي تحطي السائل مايفوتش اثنان و نص سم