تخيل أنك مت ونشروا صورتك فماذا تقول لمن يراها

[محمد الشاعر]

ماذا يقول لك ميت نشرت صورته
تخيلت أني مت ونشرت صورتي بعدها فتركت معها هذه الكلمات التي يقولها كل ميت مثلي او مثلك يا إنسان...


.

هاذ العبد اللي تْشُوفو راهو مات
ماذا يقول ميت للاحياء بعد أن تم نشر صورته
(تخيل أنك قد متَّ ونشرت صورتك فشاهدها من يعرفك ومن لا يعرفك)

هاذ العبد اللي تْشُوفو راهو مات///***/// ولَّىَ في لَـلْحـاد وسط الجبـَّانة
هذا صَال وجَال في هاذ الحياة///**/// وراه اليُوم خْلاص في دار الفناء
يا من تُخزر صُورْتي بعد المَمات///**/// ادْعيلي بالرحْمات هاذي أمانة
راني ظالم نعود ياسر مخلوقات ///***///اسمحولي يا خاوتي ابليس اعْمانا
عفسنا وشحال درناها زلات///***/// ادعيلي بالخير يا من تــــــــــــَـــرانا
ادعيلي ناخوك يمحيلي سَيَات///***/// الصــــــَّـــــحيفة تعود بيهم مليانة
نا راني محتاج منكم ذ الدَّعـْـوات ///***/// ادعُولي الرحـــمان ربي مولانا
يغفر ليَّا خالقي ماكان وْ فــَـــات ///**/// راه احْنين اكْريم خيرو غطـــَّـــانا
لا تبخلني يا المُومن من طَــلْبات///***/// عسَى اتْـنور قْـبُــــورنا فالجبانة
عساه الرحمان يأتي بالرحْمات///***/// ورحمة ربي تعود لينا ضــَـــمانة
يا من تُخزر صُورتي بعد المَمات///****/// حشمتك في دعوتك لا تنسانا
راني مثـلك كُنت غافل فالحيــــــاة///***/// حتى جات الموت بغتة عجــلانة
يامن ترى صورتي في الذكريات ///***/// لابد ياتي يوم وتـْــــــــعود معانا
وتوَّلٍي محتاج تطلب حَسَـــنَات ///***/// وفي دار الخـــلود ثمَّ ملقـــــانا


بن عامر محمد الأغواط 30/06/2016 25رمضان1437

[/size]