مرحــبآ بك الأخـت
في قسنطينة ماهيــــش كيما 2eme année خــلاص ماتقلقيـــش روحك ، سآهلة التروازيآم بشرط تخرجي لاسيري الأولي فوق 12 ، بش تقدري تكملي مرتآحة .. عليك بالسيميو السيري 1 جيبي الmaximum ،، هيآ والفارماكو ..
بالنسبة للمعاملات ،،
عندك semio ، معامل 6 ـ فيها 3 كونترول نظري ( 60 سؤال في كل كونترول ) نظام التصحيح السيري 1 و 2 ،، tt ou rien و السيري ال3 partielle
و فيـــها 3 كونترول دو ستاج ، يعني كل سارفيس تفوتيه ديري فيه كونترول + الكونترول فيـــنآل داخل في كلش كم لي قريتي خلال العآم بصح يمدو فيه ماتقلقيش روحك ،،
الفارمآكو ،، معامل 3 ،، 3 كونترول ،، قرايتها مليحة ، و monsieur BelmaHi يعاود الأسئلة بصح يبدل الكوريجي خخخ ماعندوش حل ،، التصحيح partielle
الباكتيريو ، معامل 2 ،، عندها سيري وحدة تجي ساهلة qcm groupé و سيري تجي صعيبة ، و السيري 3 ،، viro سآهلة خلاص و تجيبي فيها حتآ 18 نورمال ،، لي 3 سيري فيهم 40 سؤال .. partielle
البآرازيتو ،، معامل 2 ، فيها 2 كونترول برك ،، التصحيح partielle و فيها 30 سؤال ،، ننصحك قرايها مليح puisque درك يقولولك خطيك و مافيهاش بصح والله تجيبي فيها و طلعلك لاموايان بززاف ..
الراديو ،، معامل 1 ،، 2 كونترول ،، كانت ديما تعاود و الشعب كل يجيب فيها ، في عامنا تبدل السيستام ،، Qcm tt ou rien و الكوريجي تيب معمر بالاخطاء و سؤال ماهو معاود ،، يعني ديري حسابك و قرايها مليح ماتعوليش تتعاود كيما راح يقولولك خخخ
anapath ،،معامل 2 ، ك2 كونترول ،، واحد سآآآهل جدا فيه 5 كور بصح tt ou rien و الثآني 14 كور و tt ou rien هوا ثاني ،، أنا قريت السيري اللولا جبت فيها لابار و خلاص ،، السيري 2 دخلت بلاطاي ههه lol
physiopath ،، معامل 1 ، ك2 كونترول ، سيري تجي ساهلة سيري شويا شويا ،، بصح تقرايها تجيبي فيها مليح ،، la correction tt ou rien ..
immuno ،،معامل 1 ، ك2 كونترول ،، سآهلة بصح لازم تتقرآ برك ،، correction tt ou rien
- - - -
بالنسبة للحضور ،، مانقدرش نعاونك بززاف puisque أنا حضرت 3 كور السمانة الأولي كي رجعنا و من ثم مازدتش دخلت لا كور ولا تيدي
علابالي بلي tp باكتيريو كاين واحد برك فالعام و الحضور اجباري ههه
***
المهم بالتوفيق ان شاء الله ،، اي استفسار نحن في الخدمة
سلامـــ