السلام عليكم ورحمة الله وبركاته
لمحبي الكاشير جبتلكم وصفة تعملوها فالدار
هكذا تاكلو الكاشير في داركم يكون نظيف وعلى يديكم
بالنسبة للمقادير :
( الكاس اللي عبرنا بيه الزيت والفرينة نتاع 240 ملل)
06 بيض
02 جامبو دجاج
05 حبات فرماج
ملعقة صغيرة عكري
ملعقة صغيرة بودرة الثوم
فلفل أسود
القليل من الملون الأحمر ( على راس المغيرفة)
القليل فقط من الملح ( على راس المغيرفة ) لأن الوصفة تحتوي على الجامبو والجبن والاثنين مالحين
نص كاس زيت
كاس فرينة
كيس سباقيتي فارغ
طريقة التحضير :
نحط جميع المكونات ماعدا الفرينة فالميكسور ونخلط
ممبعد نتوقف ونحط الفرينة ونزيد نخلط بالميكسور
ثم نتوقف نجيب كيس سباقيتي نربطوه فالأسفل باش يخرج الشكل مليح
ونفرغ الخليط واللي يحب يضيف الزيتون يضيف
ثم نربط الكيس من الأعلى
نحط الكيس في قدرة نتاع ماء معمرة تغلي مدة 45 دقيقة
ممبعد ننزعوه من القدرة ونخليوه يبرد مليح
بعدما يبرد ننزعو من كيس السباقيتي ونقطعو شرائح رقيقة
وبصحتكم الكاشير صنع منزلي
إن شاء الله يكون الشرح وافي وتجربوه
( تقرير عن مشاركة سيئة )، و الموجودة أسفل كل مشاركة .
2016-06-20, 11:45
الكاشير بطريقة سهلة
العرض الشجري