الجزء الثالث من وصفات حراير واش طيبتي اليوم

[idron0]

الكارانتيكا lyzzabel

حطي في وعاء واسع و عميق 3 كيسان فرينة الحمص مغربلة و م ص معمرة ملح و 8 كيسان ماء يعني 2 لتر و خلطي بالباتور حتى تختفي الكويرات ،، و من جهة أخرى ضربي حبة بيض مع نص كاس زيت و ضيفيهم لخليط فرينة الحمص ،، و ادهني البلا تاع الفرن بالزيت ،، القطر 28 سم و الإرتفاع 5 سم ،، و فرغي الخليط و دخليه لفرن سااااخن تكوني شعلتيه من تحت و من فوق مع بعض و لاكان ما عندكش اشعلي من تحت وحد 20 دقيقة و طفي و اشعلي من فوق و خليها تتحمر مليح
كي تخرجيها مالفرن تكون جارية من فوق خليها ترتاح حوالي ربع ساعة غادي تتماسك الطبقة الفوقانية ،، قطعيها و قدميها مع الكمون و الهريسة بسخااااء يمييييي و ألف صحة و هنا
اما على القوام ما عرفتش كيفاش نقولك ما عرفتش الحاجة لي تشبهله خخخ هي تجي متماسكة و في نفس الوقت طرية من تحت و المالفوق تبقى شويييييية برك خفيفة مشي جارية ،، يعني لازم تاكليها باش تحكمي بنفسك



إضغط هنا لرؤية الصورة بحجمها الطبيعي.