الأرز بقطع الدجاج

[سيرين 5]

الوصفة الخامسة هي وصفة الأرز بقطع الدجاج ممممممم وصفة شهية و صحية كمية الأرز التي يجب تناولها هي (3 - 4 ملاعق أكل كبار ما يعادل 100غ)

1- أولا نضع الماء يغلي به ملعقة صغيرة زيت زيتون في قدر صغيرة نضع به كأس أرز و نملحوه (نصف الكمية المعتادة)، نضع الكسكاس فوق القدر ونضع الجرز المقطع مربعات يفور بعد ما يدخلو الطياب شويا نضع عليه حفنة جلبانة تفور أيضا



2- في طنجرة نضع صدر دجاج مقطع مربعات + بصلة رابي + ملح + فلفل أسود + فلفل دريس + راس الحانوت + شويا كمون + عكري + م ك زيت زيتون و نحطوهم على نار قليلة يتقلاو



3- كي يتقلاو نضيف 2 حبات طماطم رابي + ثوم + عرف زعيترة (يطلق بنة هايلة في لاصوص) + م ك طماطم مصبرة



4- كي تتقلا الطماطم نضع الجزر و الجلبانة لي كنا فورناهم نصف طياب



5- و نمرقو شويا ماشي بزاف لأنو نسحقو لاصوص عاقدة



6- كي طيب لاصوص و يكمل يدخلها الطياب الزرودية و الجلبانة نطفيو عليها



7- في الأثناء يكون الأرز تاعنا طاب نصفيوه و ندهنوه بملعقة أكل زيت زيتون



8- و قدميه بالصحة و الراحــــــــــة إلى الملتقى إن شاء الله في وصفة أخرى صحية، شهية، و لذيــــــذة