~~تشيز كيك طبقات الأوريو ~~

[*أم ثازيري*]

[size="5"]السلام عليكن حبيباتي
جبتلكم اليوم تحلية التشيز كيك درتها لماما
عندها مدة وهي تقولي ديريلي تشيز كيك
عملتو بالأشياء الموجودة في البيت و حبيت الاوريو يكون حاضر في طبقات التشيز الكيك لذلك سميتو بهاذ الاسم
المهم خلط جلط خرجت بهاد النتيجة لي عجبت كاااااامل العايلة
/size]

المقادير و كيفية التحضير :
اولا ارحي ثلاث علب اوريو جيدا
انزعي نها مقدار كاس وضعيه جانبا
لمي باقي الخليط بالزبدة الذائبة و ابسطيه في مول لي يتفتح و اضغطي عليه جيدا وإلى الثلاجة
الكريمات؛
الكريمة1: كاس الاوريو المرحي نقصي منو زوج ملاعق كبار و ضيفي نصف كاس حليب باااارد و نصف كاس شونتي وشوي كاكاو و خلطي جيدا
الكريمة2: ستة قطع كيري زيديلهم زوج ملاعق اوريو مرحي و نصف كاس شونتيي و نصف كاس حليب و ضربي جيدا
الكريمة3: زوج علب ياووغت ذوق فاني مع نصف كاس شونتيي و 1/3 كاس حليب باااارد و ضربي
المونتاج :
ابسطي الكريمة الاولى فوق المول لي بسطنا فيه الاوريو المرحي ، زيدي الطبقة الثانية و ثم الثالثة (نظفي الملعقة بعد ماتكملي كل طبقة ) حطي المول في الثلاجة يبرد مليح
رشي الكاكاو بودرة على السطح و اعملي وردات بالشونتيي و لصقي فيهم حبات من الاوريو و رقائق الشوكولا

ملاحظة : خليط الاوريو المرحي يمد ذوق رووووووووعة للكريمات ... ماتتخيلوش واش بنين

وهذه الوصفة المصورة للتحلية هديتي لكن