الجزء الثالث من وصفات حراير واش طيبتي اليوم

[idron0]

خبز في الكوشة حياة نور الدين

درت كيلو فرينة ومغرف ملح كبيرة ومغرف سكر ومغرف كبيرة خمارة وفنجان تاي زيت بسست شوية بيدي ومنبعد لميتها بماء دافئ وعحنتها شوية جي شوية ناشفة منبعد قرصتها اربع قرصات رمدتهم في السميد الخشن وادا تحبي فرينة لك الاختيار وحطيتهم خمروا بعد ما خمروا سخنت الفور من فوق ومن تحت على اخر درجة تاعي 320 درجة كي سخنت الكوشة رفدت الخبزة كيما راه حطيتها في صينية مدهونة ودخلتها للفور في الرف الوسطاني وخليتها كي حمارت خرجتها تكون يابسة بمجرد متحطيها فوق سربيتة على وجها وخليها تولي طرية وخفيييييفة ريشة .
ملاحظة :في الكوشة منخمروش زوج مرات نقرصوا ونحطوا يخمر مراات نحطوا في الصينية مباشرة نقرصوا فيها ويخمر ندير ثقب في الوسط باصبعي ونسخن الفرن من تحت ومن فوق وندخل الخبز ومنطفيش نخليه شاعل في الجهتين.