دورة الكاش ريدو والكاش كانابي

[مديحة .]

السلام عليكم ورحمة الله وبركاته
اليوم أخواتي نبدأ الدورة بإذن الله تعالى بأهم شيء في الستائر والكاش ريدو:
أول شيء: الكثير من الاخوات تذهب الى المحلات ولا تعرف كم متر من القماش تشتري سواء للستائر او الكاش ريدو
1:الستار العادي او الريدو كما يسميه البعض نشتريه على حسب اللوحة اللي عندنا او الثرانقل اي ان طول الستار =طول اللوحة أو الثرانقل *2
يعني لو كان طول اللوحة او الثرانقل مترين ونص نشتري الستار بطول5 متر وهكذا
2:الكاش ريدو نقوم بشراء قماشه على حسب الموديل اللي عندنا وفي هذه الدورة بإذن الله أقوم بوضع عدة موديلات وكيفية تفصيلها والكم الذي تأخذه من القماش
ثاني شيء:لما نشتري الستار او الريدو ونجيبو للدار نقوم بعطفه اي نقلبو البروعة او الكفة نتاعو من الجوانب لازمنا نقلبوها على 4 سم يعني ندخلو 2 ونخيطو على 2 ولا على3سم يعني ندخلو 1ونخيطو على 2 كما في الشكل
وبالنسبة للستائر او الريدوات بالاسفل تكون مرسومة اي لاتحتاج للكفة اما بالنسبة لليكاش ريدو نحتاجو للكفة ويكون 7سم اي ندخلو2سم ونخيطو على 5سم حتى تكون الجوانب نتاع الكاش ريدو نتاعنا والكفة واقفين ماشي طايحين ولا مايلين يكونو متحوفين كما في الشكل

ثاني شيء; أوضح لكم بالصور كيف نركب لاغوفلاث في الستائر والفتول في الكاش ريدو
اول شيء نثني الستار من فوق على5 سم وناخد لاغوفلاث ونثني كذلك على 1سم ونخيط على 1سم ثم نخيط لاغوفلاث في القماش نترك من فوق 0.7سم ومن الجانب 0.5سم نخيط من فوق فقط ثم نخيط لاغوفلاث كذلك من تحت
ملاحظة:اذا بدانا نخيط من جهةيعني من مكان ماحطيت انا الدبابيس المرة الثانية نبدا نخيط من نفس جهة الدبابيس
ثم ندخل الثرانقل بين القماش ولاغوفلاث اكثر شيء نلقاوها ف الستائر نتاع المطبخ
ولاغوفلاث الكبيرة نلقاوها في الستائر نتاع الغرف والصالونات والكاش ريدو كذلك وطريقة تركيبها نفس طريقة تركيب الصغيرة برك هي عندها مغالق نخيطها ومبعد نقرونطي ونضع المغالق والصورتوضح ذلك