نفسي لازمك تربية من جديد..... انا آآسفة أستادي

[مشكلتي]

اليوم ومش كي اي يوم درت حاجة مش مليحة خلاص بسبتها كرهت روحي وباغيانربي روحي ونفسي
.
.
استاد نتاع الرياضيات نحبو بزاف قراني العام لي فات وهد العام وانا متأكد انه يحبني واثق انه يعزني فأنا نشاركلو و لكن هد الاستاد بدات يحب الجميع في قسمنا حتى لي مش قرايين أستادنا الغالي مرض واصبح يغيب بزاف وكي يجي باين عليه المرض تعب بزاف استادي الغالي والله آآسفة
راني نحكي ومزال ماطرحتش مشكلتي والله ندمانة قبل مانحكيهالكم
اليوم دخلنا للقسم ولقينا الاستاد سبقنا والاستاد واقف امام المكتب والغريب فيه انه يلبس نضارات سوداء لكنها مش نتاع تقلاش نتاع نضر يعني استادي اصبح يلبس نضارات وهدا دليل على انو تعب بزاف والله في الحقيقة ضحكنا عليه كل وانا ضحكت وكل ضحكنا امامه هو ضحك معانا لكن بعد مدة تغيرت ملامح وجهه مع كل شيء احبه ندمت وكملت باقي الحصص مكشرة جيت لدار حكيت لماما وبكيت انبتني وقاتلي روحي اطلبي منو السماح وهدا ما خممت فيه لكنماهي الطريقة المناسبة لكي ادهب له واطلب منه النجاح وايضا كيف أأدب نفسي على هدا الامر الشنيع