اليوم الثلاثاء
هذا الاسبوع مخصص لغرفة ابني الكبير
اليوم كان يوم فرز ادراج الكتب و نزع الستارة وغسلها ولهته العملية خصصت '30
و عملي اليومي يكون كالاتي
تحضير الفطور اليوم كانو عندنا مسمنات من البارح
عند خروج زوجي على 7:30 نقوم بتحضير وجبت الغداء والعشاء لاني معنديش الوقت ندير العشاء في المساء
الساعة 8:30 وقت استيقاظ الاولاد يغسلو يفطرو
ونجهز ابني لذهاب الى المدرسة على 10:00 يبدأ الشغل نتاع كل يوم
عندي 4غرف
كل غرفة مسح كنس ترتيب كل غرفة اخصص
الغرفة الرئيسية '20
غرفة ابني 10 دقائق
غرفة التوام الكارثة يوم امس حسبت كي نلم اللعب ونفرزها مليح ندير فيها ساعة و40دقيقة تخلعت وعرفت علاه منجي نكمل غير بسيف وميكفينيش الوقت لميت اللعب في سلل وخبيتهم وخليت 10لعب في سلة صغيرة واول مرة تبقى غرفة التوام مفروزة واليوم استغرقت فيها 20دقيقة
الحمام مع غسل حوايج 30ساعة وبعد المطبخ نغسل كل الاواني الي درت بيهم الغداء والعشاء
نوجد الطاولة للغداء وتغدي التوام على 12:00
ومبعد الغداء نغسل المواعن ونوجد حاجة للقهوة اليوم درة قاطو الطابع ولعشية نخدم البرنامج الشهري