الجزء 157 من واش طيبتي اليوم .....كوزينة التميز و الامتياز

[انا هي رزيقة]

السلام عليكم و الصلاة و السلام على النبي المصطفي محمد ابن عبد االله و على آله و صحبه اجمعين


اهلا و سهلا بكن في جزء جديد من واش طيبتي اليوم عنوانه التميز و الامتياز ان شاء االله أنا كوزنيتي كوزينت الفحلات الجميلات الحنينات و المتميزات إلي كل واحدة منهم كي تحط الطبسي لراجلها تقولو نحبك بدون كلام و كي تحط المائدة لولادها تقولهم نحبكم موت دون كلام و كي تحط طاولة الطعام لباباها و يماها و خواتها تقولهم راكم في قلبي دون كلام و كي تحط الطابلة لضيافها تقولهم شرفتوني و اكرمتوني دون كلام .
و باه ننشط الكوزينة رايحة نلونسي مسابقة شريفة و نزيهة و جميلة و ...شرسة لما لا ....خخخخخخ ما بين الخدامات و الماكثات في ديارهن باه نعرفو اذا كان هناك فرق ما بين اكل الخدامات و اكل الماكثات في الديار و كل وحدة كي تحط ماكلتها تقولللنا هل تحطو مع فريق الخدامات او مع الفريق المنافس ....
و هنا نلونسي نداء الى الفحلات دائمة الحمد و ام ياسو و ام تاجو باه يشرفوني و يتراسو فريق الماكثات في الييوت و إلى حبيبتي ام ماجد باه تتراس فريق الخدامات و اعلن عن انطلاق المسابقة رسميا
اولا اتفضلو الى كوزينتي في الحقيقة هو جزء من كوزينتي و اذا شرفتوني بتواجدن و اطباقكن الجميلة بكثرة رايحة نوريلكم الجزء الاخر و حتى صالوني الجميل و لي عياوها الذراري و حابا تتكا تجي لهنا