عجيجات الشفلور بالبطاطا و الفرماج

[*سيرين نور عيني *]

سلااااااام

انه وقت الشفلور هههههه زعما بديت حكاية ههههههه

مهم جبتلكم طبق لذيذ و خفيف هااااايل وهو عجيجات الشفلور و البطاطا مقليين تقدميهم مع صلصة ثقيلة بالحمص و الدجاج أو اطراف اللحم اللي عندك مايهمش

الطريقة

تغلي راس شفلور مع2 حبات بطاطا و ملح و تهرسيهم بالفرشيطة و تتبلي بالملح الفلفل الاسود الكمون المعدنوس و الثوم وفرماج و تشكلي كريات ترمديهم ف البيض و الشابلير او افرينة اوحتى سميد رطب و اقليهم و حطيهم ف ورق مصاص يشرب الزيت هاديك و قدميهم مع الصلصة
ملاحظة
البيض اللي يبقا لك ماترميهش زيدي اقليه في نفس المقلاة يجي منفخ و بنيييين و حطيه ف الوسط
أكيد رايحين يحبووووه

[IMG][/IMG]
الصلصة

ابشري بصل و ثوم و طماطم وزيت و معدنوس وكرافس و ديري نفس التوابل المذكورة و طرف دجاج اولحم و حمسي و مرقي وو زيدي حفنة حمص و خليها تطيب على نار هادئة حتى تثقال وقدميها كيما تحبي وشهية طيبة

[IMG][/IMG]
عندي طلب صغير لكل من مر بموضوعي يدعيلي ربي يشفيني انا و اختي و جميع المرضى